Shahtadaǵy apat: Qytaı tóraǵasy qazaqstandyqtarǵa kóńil aıtty

<p>Qasym-Jomart Toqaevtyń atyna Qaraǵandy oblysyndaǵy ken ornynda bolǵan apat saldarynan kóptegen adamnyń qaza tabýyna baılanysty shet memleketterdiń basshylarynan, sondaı-aq halyqaralyq uıymdardyń jetekshilerinen kóńil aıtý jedelhattary áli kelip jatyr.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://www.akorda.kz/kz/karagandy-oblysyndagy-shahtada-bolgan-apatka-baylanysty-kelip-tusken-konil-aytu-zhedelhattary-309410" target="_blank" rel="noopener">Aqordaǵa</a>&nbsp;silteme jasap habarlaıdy.</p>

Qytaı Halyq Respýblıkasynyń Tóraǵasy Sı Tszınpın qaıǵyly oqıǵaǵa baılanysty Prezıdent Qasym-Jomart Toqaevqa jáne Qazaqstan halqyna kóńil aıtty.

«Qazaqstannyń Qaraǵandy oblysyndaǵy shahtada bolǵan apat saldarynan kóptegen adamnyń qaza tapqany týraly sýyt habardy tereń kúızelispen qabyldadym. Qytaı Úkimetiniń jáne halqynyń, sondaı-aq ózimniń atymnan qaıtys bolǵan azamattardyń otbasylary men jaqyn týystaryna qaıǵyryp kóńil aıtamyn», – dep jazylǵan jedelhatta.

Kóńil aıtý jedelhattaryn Bolgarııa Prezıdenti Rýmen Radev, Armenııa Prezıdenti Vaagn Hachatýrıan, Bosnııa jáne Gertsegovına Prezıdıýmynyń Tóraǵasy Jelka Tsvııanovıch, AÓSShK Bas hatshysy Qaırat Sarybaı jáne basqalar joldady.

Buǵan deıin apatqa baılanysty Reseı, Belarýs, Ózbekstan, Qyrǵyzstan, Frantsııa prezıdentteri men Túrkııa Syrtqy ister mınıstrligi, Armenııa premer-mınıstri kóńil aıtqan bolatyn. Prezıdent Qasym-Jomart Toqaev Qaraǵandy oblysyndaǵy qaıǵyly oqıǵaǵa oraı kóńil aıtqan barlyq shet memleketter basshylary men qazaqstandyqtarǵa rızashylyǵyn bildirdi.

Eske salaıyq, 28 qazan kúni túngi saǵat 02.33-te Qaraǵandy oblysyndaǵy Kostenko atyndaǵy shahtada órt tutanyp, artynan jarylys boldy. Jer astynda jumys istep jatqan 252 kenshiniń 206-sy óz betimen joǵary shyqty. 

Sońǵy málimet boıynsha 45 kenshiniń denesi tabyldy, bireýi izdestirilp jatyr. 

Aýrýhanalarǵa 28 adam jetkizildi. 

«ArselorMıttal Temirtaý» AQ-ǵa tıesili 8 shahtanyń jumysy ýaqytsha toqtatyldy.

29 qazan elimizde Jalpyulttyq aza tutý kúni bolyp jarııalandy. 

Qaraǵandy óńirine barǵan Memleket basshysy Úkimetke «ArselorMıttalTemirtaý» kompanııasymen ınvestıtsııalyq yntymaqtastyqty toqtatý týraly tapsyrma berdi. Keıin Úkimettiń baspasóz qyzmeti «ArselorMıttal Temirtaý» AQ-nyń menshik quqyǵyn QR menshigine qaıtarý týraly kelisimsharttyń aıaqtalýǵa jaqyn ekenin málim etti.

QR Úkimeti apattan qaza tapqandardyń otbasylaryna qandaı kómek kórsetiletinin jarııalady.