Shahtadaǵy apat: DSM joǵary dárejeli dárigerler tobyn Qaraǵandyǵa jiberdi

<p>QR Densaýlyq saqtaý mınıstrligi zardap shekkenderge konsýltatsııalyq kómek kórsetý úshin quramynda toksıkolog, travmatolog-ortoped jáne neırohırýrg bar joǵary dárejeli dárigerler tobyn Qaraǵandyǵa jiberedi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Zardap shekken kenshilerdiń ómiri men densaýlyǵyn saqtaý úshin salanyń úzdik mamandaryn tarta otyryp, barlyq qajetti medıtsınalyq kómek kórsetiledi.

Qazirgi ýaqytta 18 adam prof. H. J. Maqajanov atyndaǵy kópbeıindi aýrýhanaǵa jetkizildi, onyń 17-si statsıonarlyq emdeýge jatqyzyldy, 1 zardap shegýshi ambýlatorııalyq emdelýde.

Jeńil jáne ortasha aýyrlyqtaǵy ýly gazdarmen ýlanýdan zardap shekken 15 adam aýrýhananyń toksıkologııa bólimshesinde emdelýde. Bir adam polıtravmamen reanımatsııa jáne qarqyndy terapııa bólimshesinde, jaǵdaıy aýyr, turaqty, esinde.

Jaǵdaıy ortasha aýyrlyqtaǵy taǵy bir zardap shegýshi travmatologııa bólimshesinde medıtsınalyq kómek alady.