Shahtada 4 adamnyń kóz jumý faktisi boıynsha qylmystyq is qozǵaldy

QARAǴANDY. QazAqparat - Qaraǵandy oblysynda ornalasqan Lenın atyndaǵy shahtada 4 kenshiniń qaza tabý oqıǵasy boıynsha qylmystyq is qozǵaldy, dep habarlaıdy QazAqparat tilshisi.

Lenın atyndaǵy shahtada bolǵan TJ faktisi boıynsha QR QK 277-baby 3-bóligi («Taý-ken nemese qurylys jumystaryn júrgizý kezinde qaýipsizdik erejelerin buzý») boıynsha qylmystyq is tirkeldi.

«Oqıǵa ornynda Qaraǵandy oblysy polıtsııa departamentiniń jedel-tergeý toptary jumys istep jatyr. Qazirgi ýaqytta barlyq qajetti tergeý áreketteri júrgizilýde», - dep habarlady Qaraǵandy oblysy PD baspasóz qyzmeti.

Esterińizge sala keteıik, búgin túngi saǵat 3-te «ArselorMıttal Temirtaý» AQ Kómir departamentine qarasty Lenın atyndaǵy shahtada apat bolyp, 4 kenshi qaza tapty.