Kostenko atyndaǵy shahtada 32 kenshi qaza bolǵany anyqtaldy

<p>Sońǵy málimetterge saı, Qaraǵandy ​​oblysyndaǵy Kostenko atyndaǵy shahtada 32 kenshiniń opat bolǵany belgili boldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Sanaýly ýaqyt buryn ǵana 28 kenshiniń denesi tabylyp, 18 adam izdestirilip jatqanyn habarlaǵan edik. Ókinishke qaraı, qurban bolǵan kenshiler sany sát sanap artýda.

Dál qazir «ArselorMıttal Temirtaý» AQ-nyń Kostenko atyndaǵy shahtasyndaǵy apattan keıin 14 adam tabylmaı jatyr. Bul týraly «ArselorMıttal Temirtaý» AQ Kómir depratamentiniń personal jónindegi dırektory Erkebulan Muqanov aıtty.

Foto: Kazinform

«Qazir shahtada 32 adam qaza bolǵany anyqtaldy. Bir saǵat burynǵy málimet boıynsha 6 adamnyń denesi shyǵaryldy. 14 adamdy izdestirý jalǵasyp jatyr», - dedi E. Muqanov Kazinform tilshisine bergen suhbatynda.

Foto: Kazinform

Budan buryn habarlanǵandaı, shahtadaǵy órt faktisi boıynsha Qylmystyq Kodekstiń 277-babynyń 3-bóligi «Taý-ken nemese qurylys jumystaryn júrgizý kezinde qaýipsizdik qaǵıdalaryn buzý» baby boıynsha sotqa deıingi tergep-tekserý bastaldy.

Memleket basshysynyń tapsyrmasyna sáıkes Premer-Mınıstr Álıhan Smaıylovtyń tóraǵalyǵymen apattyń sebepterin tergeý jáne onyń saldaryn joıý jónindegi Úkimettik komıssııa quryldy.