Shahmattan gran-prı saıysy: Jansaıa Ábdimálik besinshi oryn aldy
23:14, 29 Qyrkúıek 2022
ASTANA. QazAqparat - Shahmattan FIDE (WGP) áıelder arasyndaǵy Gran-prı jarysynyń birinshi kezeńi máresine jetti. Onda baq synaǵan qazaqstandyq Bıbisara Asaýbaeva men Jansaıa Ábdimálik qaı orynǵa ıe bolǵany anyqtaldy, dep habarlaıdy QazAqparat tilshisi.
Astana qalasynda ótken Gran-prı jarysynda qazaqstandyq shahmatshylar alǵashqy ondyqta boldy.
Jarys barysynda Jansaıa Ábdimálik besinshi oryn alsa, Bıbisara Asaýbaeva onynshy orynǵa jaıǵasty.
Jarystyń sońǵy týrynda Jansaıa polshalyq Alına Kashlınskaıany jeńse, Bıbisara qytaılyq Chjý Tszınermen teń oınady.
On bir partııa nátıjesi boıynsha Jansaıa Ábdimáliktiń enshisinde 2 jeńis, 7 teń oıyn jáne 2 jeńilis bolsa, Bıbisara Asaýbaevada 1 jeńis, 7 teń oıyn jáne 3 jeńilis bar.
Gran-prı saıysyn segiz upaı jınaǵan reseılik Ekaterına Lagno jeńip aldy.