Shahmattan Azııa chempıonaty: qazaqstandyq jasóspirimder 3 altyn aldy

<p>ALMATY. KAZINFORM &ndash; Almatyda shahmattan jasóspirimder arasyndaǵy 26-shy Azııa chempıonaty aıaqtaldy. Qazaqstannyń úsh jas shahmatshysy &ndash; Aqnur Mamaqova, Sátbek Ahmedınov jáne Alýa Nurman blıtsten altyn medal jeńip aldy.</p>

Blıts – birqatar shahmatshylar úshin ózderiniń joǵary dárejesin rastaýdyń taǵy bir múmkindigi, al basqalary úshin rapıdtegi (jyldam) jáne klassıkalyq oıyndaǵy sátsizdikter úshin ózin qalpyna keltirý. G12 sanatynda qazaqstandyq Aqnur Mamaqova osyny tamasha stılde kórsetti.

Foto: Qazaqstan shahmat federatsııasy

Ol rapıdte 14-inshi, al klassıka boıynsha 4-orynǵa ıe bolyp, qosymsha kórsetkishterde qoladan aıyryldy. Biraq blıtste qatarynan segiz oıynda qarsylastaryn qapy qaldyryp, márege bir týr qalǵanda, chempıondyq ataqty qamtamasyz etti.

Almatydaǵy kepteliske baılanysty birinshi týrǵa keshigip qelgenine qaramastan, Alýa Nurmanǵa altyn medal buıyrdy. Qalǵan segiz oıynnyń jeteýinde jeńiske jetken reıtıng favorıti rapıdtegi qola júldege blıts boıynsha altyn qosty.

18 jasqa deıingi sanatta Sátbek Ahmedınov (2130) barlyq favorıtter – Aleksandr Hrıpachenko (2404), Amanmuhammet Hommadov (2312), Aldııar Ańsatty (2403) jáne Eldııar Orozbaevty (2339) utyp, sońǵy týrda úndistandyq, halyqaralyq sheber Harsh Sýreshpen teń oınady.

Foto: Qazaqstan shahmat federatsııasy

Osy týrnırge deıin ýaqytsha baqylaýlardyń eshqaısysynda reıtıngide orny bolmaǵanymen, sheberlikke úmitker ataǵyn alǵan 10 jasar mońǵol Anand Tsogtbılegti aıtpaı ketý múmkin emes. Munda ol klassıkadan qola júldeger atansa, blıtsten chempıon atandy.

Blıtsten 10 eldiń jas shahmatshylary júldege qol jetkizdi. Eń kóp altyndy Qazaqstan quramasy aldy. Sondaı-aq jas shahmatshylarymyzdyń qorjynynda blıtsten 2 kúmis, 2 qola medal bar.

Basqa elderdiń medal sany jóninen kórsetkishteri mynadaı: FIDE týy astynda Reseı – 2-1-6, Vetnam – 1-2-2, Úndistan – 1-2-1, Qytaı – 1-2-0, Iran – 1-1-0, Qyrǵyzstan – 1-0-0, Mońǵolııa – 1-0-0, Fılıppın – 1-0-0 jáne Ózbekstan – 0-2-1.

Eske sala keteıik, budan buryn shahmatshy Qazybek Nógerbektiń bul búkil Qazaqstannyń jeńisi ekendigi týraly aıtqanyn jazǵan bolatynbyz.