Shahmattan álem chempıony tusaý kesti: Dın Lıjen qazaqtyń kóne dástúrin oryndady

<p>ASTANA. KAZINFORM &ndash; Elordada rapıd pen blıtsten komandalyq álem chemponaty ótip jatyr. Іs-shara aıasynda tanymal qytaı shahmatshysy, álemniń 17-dúrkin chempıony Dın Lıjen jaqynda 1 jasqa tolatyn Shyńǵys esimdi sábıdiń tusaýyn kesti.&nbsp;</p>

«Ulymyzdyń táı-táı basqan alǵashqy qadamy búginde Astanada álemniń shahmat juldyzdarynyń basyn qosqan aıtýly chempıonatmen tuspa-tus kelip, otbasymyzdyń joly boldy desem artyq aıtqanym emes. Sabyrlyǵymen, tárbıeligimen jáne úlken talantymen talaıdy tánti etken Dın Lıjenniń qazaq halqy úshin qasterli rásimdi júzege asyrýy biz úshin úlken mártebe. Shyńǵysymyzdyń joly ashyq bolyp, dańqty chempıon, eliniń adal azamaty bolsyn», - dedi sábıdiń ákesi Asylhan Qaraev. 

Foto: Vıktor Fedıýnın / Kazinform

Asylhan Qaraev – shahmatshy ári FIDE tóreshisi. Ol ulynyń izin basyp, jolyn qýmasa da shahmat oıynyndaǵy daǵdysy ómirinde synı oılaýyna, durys qadam jasaýyna septigin tıgizerine nyq senimdi. 

31 jastaǵy Dın Lıjen tusaýkeser rásimin ótkizgennen keıin sábıge aq batasyn berdi. 

«Búgin úlken qurmetke ıe bolyp, nyshandyq máni bar rásimdi oryndadym. Bul meniń alǵashqy mundaı rásimge qatysýym. Sábı qandaı joldy tańdasa da onyń ómiri jarqyn, alar asýy bıik bolsyn», - dedi chempıon.

Foto: Vıktor Fedıýnın / Kazinform

Sábıdiń tusaýyn kesken shahmatshy balanyń anasymen birge aq kilemshe ústimen alyp júrdi. Kilemshiniń aıaqtalar tusyna kelgende sábı aldyna qoıylǵan túri zattardyń ishinen shahmat ferzisin tańdap aldy. Osydan keıin qazaqtyń dástúri boıynsha sábıdiń ata-anasy balalarynyń tusaýyn kesken azamatqa syılyq tartý etti.