Shahmattan álem chempıonaty: Rapıdten úzdikter anyqtaldy
«Decade China Team» komandasy kúmispen kúptelse, byltyrǵy chempıondary – «WR Chess team» komandasy bul joly qolany mise tutty.
12 týrǵa sozylǵan jarystyń úzdik bestigine tómendegi komandalar endi:
1) Al-Ain ACMG UAE (áý basta reıtıngte 4 orynda turdy) - 21 komandalyq upaı;
2) Decade China Team (2) - 20 upaı;
3) WR Chess Team (1) - 19 upaı;
4) Chessy (3) - 18 upaı;
5) Team MGD1 (6) - 17.
Baıqasańyz, reıtıngte joǵary orynda turǵan komandalar top jaryp, myqtylyǵyn dáleldep otyr. ıAǵnı, reıtıngte tómen ornalasqan komanda oza shaýyp, sensatsııa tirkelgen joq.
Qazaqstandyq komandalar arasynda úzdik nátıjelerge tómendegi komandalar ıe boldy:
10) Kazchess (reıtıngtegi orny - 5) - 13 komandalyq upaı;
14) Teniz Kazakhstan (13) - 13 upaı;
19) Astana-2 (21) - 12 upaı;
20) GMs Kazakhstan (23) – 12 upaı;
22) Astana-1 (11) - 12 upaı.
«Bul óte qıyn jarys boldy. Álemniń barlyq úzdik oıynshylary jeńiske jetý úshin Astanaǵa jınaldy. Bizde jeńiske jetýge úlken motıvatsııa jáne jaqsy tájirıbe boldy, biz ár oıyn úshin kúrestik dep aıta alamyz! Eń qıyn raýnd Magnýs Karlsenniń komandasyn jeńý boldy. Osydan keıin bizde jańa tynys ashylǵandaı boldy», - dedi ırandyq grossmeıster Parham Magsýdlý.
Sondaı-aq, jeńimpaz komandanyń sapynda álem chempıonatynyń júldegerleri Danııl Dýbov, Vladıslav Artemev, 18 jastaǵy talant Volodar Mýrzın, 34 jastaǵy Dmıtrıı Andreıkın, Katerına Lagno, Chjý Tszınere, Ibragım Ǵalymjanuly jáne Vafııa Darvısh Ál-Maamarı sııaqty shahmatshylar bolǵanyn atap ótken jón.
Búgin blıts boıynsha úzdikter anyqtalatynyn atap ótken jón.