Shahmat - sport salasyndaǵy qazaq-rýmyn yntymaqtastyǵynyń jańa baǵyty
22:00, 16 Qarasha 2020
Býharest. QazAqparat - Qazaq jáne rýmyn jas shahmatshylary arasynda onlaın-dostyq kezdesý ótti, dep habarlaıdy QazAqparat Rýmynııadaǵy Qazaqstan Elshiligine silteme jasap.
7 qarashada bastalǵan jarysqa ár eldiń atynan 12 shahmatshy qatysty: 12, 14 jáne 16 jasqa deıingi sanatta 2 er bala jáne 2 qyzdan.
Eki eldiń shahmat saıysy bizdiń elderimizdiń ózara is-qımylynyń damýy men nyǵaıýyna taǵy bir úles boldy, sondaı-aq qazaq jáne rýmyn jastarynyń arasynda tanysý men dostyq qarym-qatynas ornatýǵa múmkindik berdi.
Bul kezdesý shahmatty keńinen nasıhattaýǵa septigin tıgizeri sózsiz.
Nátıjesinde komandalar eki týrda teń oınady.
Barlyq 24 qatysýshyǵa Rompetrol kompanııasynyń demeýshiligimen estelik syılyqtar tabystaldy.