Shahmat olımpıadasynda qazaqstandyqtar jeńisti jolyn jalǵastyrdy

NUR-SULTAN. QazAqparat - Shahmat Olımpıadasynda elimizdiń erler jáne áıelder quramasy úshinshi raýndta jeńiske jetti, dep habarlaıdy QazAqparat.

Qazaqstan áıelder quramasy bul joly Perý quramasyn 3:1 esebimen súrindirdi.

Olardyń qatarynan Bıbisara Asaýbaeva, Ksenııa Balabaeva jáne Gúlishan Nahbaeva jeńiske jetse, Nazerke Nurǵalı qarsylasyna ese jiberip qoıdy.

Bul - qyzdardyń qatarynan úshinshi jeńisi. Budan buryn olar Gvatemalany 4:0, Belgııany 3:1 esebimen jeńgen.

Al Perý quramasy Barbados pen Albanııadan 4:0 esebimen basym túsken edi.

Elimizdiń erler quramasy Lıvandy 4:0 esebimen tize búktirip, ekinshi jeńisine qol jetkizdi.

Olar buǵan deıin Qytaı Taıbeıin 3-1 esebimen jeńip, ekinshi kezdesýinde Tájikstanǵa 1,5:2,5 esebimen ese jiberip qoıdy.

Lıvandyq shahmatshylar alǵashqy oıynda Norvegııadan 0,5:3,5 esebimen jeńilse, odan keıin 4:0 esebimen Gýamnyń osal tusyn tapty.

Shahmat Olımpıadasy 28 shilde-10 tamyz aralyǵynda ótkiziledi. Oǵan álemniń 186 memleketinen 1736 sportshy kelgen.

Foto: sports.kz