Shahmat olımpıadasy: Qazaqstan áıelder quramasy birinshi ret jeńildi

NUR-SULTAN. QazAqparat – Qazaqstan áıelder quramasy Úndistanda ótip jatqan Shahmat olımpıadasynda Ázerbaıjanǵa ese jiberdi. Bul - qazaqstandyq shahmatshylardyń atalǵan saıystaǵy alǵashqy jeńilisi, dep habarlaıdy QazAqparat tilshisi.

«Sport Shredıngera» telegram -kanalynyń habarlaýynsha, áıelder quramasy Ázerbaıjan komandasynan 1:3 esebimen utylǵan. Al, Jansaıa Ábdimálik pen Bıbisara Asaýbaeva qarsylastarymen teń tússe, Ksenııa Balabaeva men Gúlishan Nahbaeva jeńilip qaldy.

Osylaısha, áıelder quramasynyń enshisinde 4 jeńis, 1 teń oıyn jáne 1 jeńilis bar. Bul kórsetkishpen qazaqstandyq komanda Úndistandaǵy Dúnıejúzilik shahmat olımpıadasynyń týrnır kestesinde 6-orynnan 14-orynǵa syrǵydy. Erteń - sprotshylar úshin demalys kúni. Keıin 5 tamyzda Qazaqstan áıelder quramasy Vetnammen oınaıdy.

Eske salsaq, keshe Shahmat olımpıadasynda Qazaqstan erler quramasy Chehııany 2,5:1,5 esebimen utqanyn jazyp edik.