Shahmardan Baımanov Qyzylorda oblysy ákiminiń orynbasary boldy

<p>QYZYLORDA. KAZINFORM — QR Prezıdenti Ákimshiliginiń kelisimimen, oblys ákiminiń ókimi negizinde Shahmardan Asqaruly Baımanov oblys ákiminiń orynbasary laýazymyna taǵaıyndaldy. </p>

Oblys ákiminiń orynbasary retinde Shahmardan Baımanov qoǵamdyq damý, mádenıet, dene shynyqtyrý jáne sport, bilim, din jáne jastar isi máselelerine jetekshilik jasaıdy.

Shahmardan Asqaruly Qorqyt Ata atyndaǵy Qyzylorda memlekettik ýnıversıtetin «qarjy jáne qarjylyq quqyq» mamandyǵy boıynsha bitirgen.

QR Prezıdenti janyndaǵy Memlekettik basqarý akademııasy memlekettik saıasattyń ulttyq mektebiniń «saıasattaný» mamandyǵy boıynsha túlegi, áleýmettik bilim magıstri.

Sh. Baımanov ár jyldary úkimettik emes uıymdar men jastar birlestikterinde joǵary basshylyq laýazymǵa deıingi joldan ótti.

2012-2017 jyldary Aqmola oblysynyń jastar saıasaty máseleleri basqarmasynyń basshysy, respýblıkalyq «Jas Otan» jastar qanatynyń tóraǵasy bolǵan.

2017-2022 jyldary Qyzylorda qalasy ákiminiń orynbasary, Aqparat jáne qoǵamdyq damý mınıstrligi Jastar jáne otbasy isteri komıteti tóraǵasynyń orynbasary, komıtet tóraǵasy laýazymdaryn abyroımen atqarǵan.

2022 jyldyń sáýir aıynan Qyzylorda oblysy ákimi apparatynyń basshysy qyzmetin atqaryp keledi.