Shahandaǵy opat bolǵan otandastarymyzdyń qazasyna ortaqpyz - Dáýren Abaev
«Jyldyń basynda Shahandaǵy apattyń oryn alýy barsha qazaqstandyqtar úshin úlken qaıǵy. Bárimiz opat bolǵan otandastarymyzdyń qazasyna ortaqpyz, orny tolmas qazaǵa qaıǵyryp, kóńil aıtamyz. Ózim de qaza bolǵan azamattardyń týys-týǵandaryna kóńil aıtyp, zardap shekkenderdiń tezdetip saýyǵyp ketýlerine tilektespin»,- dep jazdy D.Abaev áleýmettik jelidegi paraqshasynda.
Eske sala keteıik, 1 qańtar kúni 22:40-ta Qaraǵandy oblysy TJD qutqarý bólimine Shahtınsk qalasy Shahan kentindegi kópqabatty úıdiń bir bóligi opyrylyp túskeni týraly qońyraý shalynǵan. Oqıǵa ornyna shuǵyl túrde TJD qutqarýshylary jóneltilip, turǵyndar qaýipsiz jerge kóshirildi. Áýeli 1 adamnyń máıiti úıindi astynan shyǵarylǵan bolatyn. Keıin ekinshi turǵynnyń denesi úıindi astynan tabyldy. Qazirgi ýaqytqa deıin úıindi astynan 9 kóz jumǵan adamnyń denesi arshyp alyndy. Onyń úsheýi er adam, úsheýi áıel, úsheýi bala. Balanyń bireýi 2016 jylǵy,ekinshisi 2010 jylǵy.