Shaǵyn jáne orta bıznes TKSh salasyn ınvestıtsııalaýǵa qulyqsyz - QR IDM
«Turǵyn úı sektory kóptegen memleketterde jeke ınvestıtsııa tartýǵa qolaıly, memlekettik qoldaýmen áleýmettik mańyzy bar birqatar jobalardy júzege asyrýǵa múmkindik beretin áleýetti sala bolyp esepteledi. Bul týraly Prezıdent Nursultan Nazarbaev Joldaýynyń birinde aıtty. Kóppáterli turǵyn úı qory buryn-sońdy kommertsııalyq ınvestıtsııalar úshin qoldanylmaǵan perspektıvaly naryq bola alady», - dedi QR Investıtsııalar jáne damý mınıstrligi Qurylys pen turǵyn úı-kommýnaldyq sharýashylyqty damytý departamenti dırektorynyń orynbasary Marǵulan Ábdikárimov Astanada ótken «TKSh-EKSPO 2017» halyqaralyq forýmynda.
«Shaǵyn jáne orta bıznes atalǵan sektordaǵy kóptegen máselelerdiń sheshimi bola alar edi, biraq qazirgi ýaqytta ShOB asa belsendilik tanytyp otyrǵan joq. Oǵan sebep - zańnamalar men ózge de normatıvtik-quqyqtyq aktilerdiń mehanızmderi sońyna deıin jetildirilmegen», - dep óz sózin tolyqtyrdy ol.
Sol sebepti Qazaqstanda sáıkes normatıvtik-quqyqtyq jáne ınstıtýtsıonaldyq qamsyzdandyrýdy ázirleý qajet.
«Qazirgi ýaqytta turǵyn úı páterlerin paıdalaný, kútý jáne basqarýdy uıymdastyrýda sheshilmegen túıinder kóp. Olardy sheshý úshin Úkimet bıyl turǵyn úı qatynastaryn jetildirý boıynsha aýqymdy reformany bastady», - dep atap ótti IDM departament dırektorynyń orynbasary.
Ol úshin qazirgi zańnamaǵa, «Turǵyn úı qatynastary týraly» QR zańyna ózgerister men tolyqtyrýlardy ázirleý boıynsha úlken jumys toby qurylǵan. Josparlanǵan túzetýler arqyly turǵyn úılerdegi páterlerdi basqarý, gaz tehnıkasy ınspektsııasy jáne turǵyn úı-qurylys kooperatıvteriniń qyzmeti syndy úsh negizgi máseleni sheshý kózdelgen.
Qazaqstandaǵy reformany júrgizýge halyqaralyq uıymdar qol ushyn sozady, atap aıtqanda, elimizdiń Qazaqstandaǵy BUU Damý baǵdarlamasy kómek kórsetpek. Atalǵan uıymmen yntymaqtastyq ornatý arqyly turǵyn úı-kommýnaldyq sharýashylyqty jańǵyrtý boıynsha birqatar jobalar júzege asyrylǵan.