Shaǵyn jáne orta bıznes eńbekaqydan ustalatyn tabys salyǵynan 6 aıǵa bosatyldy
21:25, 31 Naýryz 2020
NUR-SULTAN. QazAqparat - QR Prezıdenti Qasym-Jomart Toqaev tótenshe jaǵdaı rejıminde kásipkerlerge qandaı qoldaý kórsetiletinin aıtyp berdi, dep habarlaıdy QazAqparat.
«Biz shaǵyn jáne orta bızneske qoldaý kórsetý úshin buryn-sońdy bolmaǵan sharalardy qolǵa aldyq. Kásipkerlerge kómek kórsetý kerek. Óıtkeni olar - ekonomıkamyzdyń tiregi», - dep atap ótti Prezıdent telearna arqyly Qazaqstan halqyna joldaǵan úndeýinde.
Ákimdikter jergilikti kásiporyndardyń ónimin kem degende 6 aı boıy kepildi satyp alý tártibin jolǵa qoıýy kerek.
«ShOB ókilderin bıylǵy 1 qazanǵa deıin eńbekaqy tóleý qorynan ustalatyn tabys salyǵynan bosatýdy tapsyramyn. Mundı qoldaý saýda, kólik qyzmeti, qonaqúı, týrızm jáne basqa da salalardy qamtıdy», - dedi Memleket basshysy.