Shaǵyn nesıe: 800 soltústikqazaqstandyq óz kásibin bastaıdy
«Arzan ıpoteka, salyqty túsirý, shaǵyn nesıelerdi jáne bilim granttaryn kóbeıtý úlken qarajatty talap etedi. Buǵan memleket qarjy tapty», - dedi Qumar Aqsaqalov.
Oblysta qazir 19 myń adam baspana kezeginde tur, onyń 13 myńy Petropavlda. Byltyr óńirde turǵyn úı qurylysynyń kólemi 3 esege artty. 2018 jyly qarqyn údeı túsedi. Bıyl oblys ortalyǵynda 1600 páterdi qoldanysqa berý kózdelgen.
60 myń teńgeden az eńbekaqy alatyn azamattar budan bylaı tek 1 paıyz ǵana salyq tóleıtin bolady. Óńir bıýdjeti shamamen 1 mlrd. tg aıyrylǵanymen, halyqtyń kirisi kóbeıip, satyp alý múmkindigi ulǵaıady.
Elbasy memleket shaǵyn nesıeleýge 62 mlrd. teńgeni baǵyttaıdy dedi. SQO-da byltyr 2 mlrd.teńgeniń 437 shaǵyn nesıesi berildi. Onyń ishinde 425 aýyl turǵyny. Bıyl bul baǵytqa 2,8 mlrd. tg bólindi.
«Biz qosymsha 1 mlrd.teńgege tapsyryp berip, jalpy nesıeleý kólemin 4 mlrd teńgege jetkizemiz. 800 otbasy óz kásibin bastaı alady. Bolashaqta bul somany 5 mlrd. teńgege jetkizý kózdelgen. Sóıtip, 1 myń turǵyndy qamtı alamyz», - deıdi óńir basshysy.
Bıyl oqý granttarynyń sany 74 myńǵa deıin kóbeıtildi. SQMÝ aldynda materıaldy-tehnıkalyq bazany nyǵaıtý, jańa stýdentterdi tartý, jańa mamandyqtardy kóbeıtý jáne joǵary bilikti mamandardy jumysqa alý mindetteri tur. Stýdentterge jataqhana salý da asa mańyzdy is. SQO bul jumysty elimizde birinshi bolyp bastaý kerek deıdi aımaq basshysy.
Ortalyq jáne Soltústik Qazaqstandy gazben qamtamasyz etý de aýqymdy jumystyń biri. Óńir basshysynyń aıtýynsha, ónerkásip gazben qamtamasyz etilse, ónimderdiń ózindik quny áldeqaıda tómen bolmaq. Qazir magıstraldy toraptan eldi-mekenderge gaz tartý máselesi qaralyp jatyr dep sózin qorytyndylady Qumar Aqsaqalov.