Shaǵyn fýtboldan «Túrki kýbogi» týrnıri ótti

NUR-SULTAN. QazAqparat - Nur-Sultan qalasynda Túrki yntymaqtastyǵy kúnine jáne Túrki memleketteri táýelsizdiginiń 30 jyldyǵyna oraı shaǵyn fýtboldan «Túrki kýbogy» týrnıri ótti, dep habarlaıdy QazAqparat.

«Astana-Arena» stadıonynda ótken bylǵary dop dodasyna Nur-Sultan qalasynda Ázerbaıjan, Qyrǵyzstan, Majarstan, Túrkııa, Túrikmenstan, Ózbekstan elshilikteriniń, halyqaralyq uıymdardyń, atap aıtqanda Halyqaralyq Túrki akademııasy, Azyq-túlik qaýipsizdik ıslam uıymy (IOFS), Azııadaǵa ózara is-qımyl jáne senim sharalary keńesi (SICA) jáne Qazaqstan Respýblıkasynyń Syrtqy ister mınıstrliginiń qurama komandalary qatysty.

Halyqaralyq Túrki akademııasy jáne QR Syrtqy ister mınıstrligi uıymdastyrǵan Týrnır qorytyndysy boıynsha birinshi oryndy Majarstannyń Qazaqstandaǵy elshiligi, ekinshi oryndy QR Syrtqy ister mınıstrliginiń jáne úshinshi oryndy Halyqaralyq Túrki akademııasynyń komandalary ıelendi.

Aıta ketý kerek, Túrki keńesi Qazaqstan Respýblıkasynyń Tuńǵysh Prezıdenti – Elbasy, Túrki keńesiniń Qurmetti tóraǵasy N.Nazarbaevtyń bastamasymen 2009 jyly 3 qazanda quryldy.

Bul tarıhı kún «Túrkitildes elderdiń yntymaqtastyq kúni» retinde atalyp ótedi. Halyqaralyq uıymnyń shtab-páteri Ystanbul qalasynda ornalasqan. Uıymǵa Qazaqstan, Ázerbaıjan, Qyrǵyzstan, Túrkııa, Ózbekstan elderi múshe, al Majarstan baqylaýshy mártebesine ıe.