«Shaǵyn EKSPO» ınnovatsııalyq ıdeıalar men jobalar baıqaýynyń jeńimpazdary marapattaldy
Qoǵamdyq kelisim saraıynda ótken saltanatty sharaǵa birqatar oblystyq basqarmalar men vedomstvolardyń basshylary men din ókilderi, qoǵamdyq birlestikter men uıymdardyń tóraǵalary jáne jastar qatysty. Oblys ákiminiń atynan quttyqtaý sóz sóz sóılegen oblys ákiminiń orynbasary Nurlan Nurkenov elimizdiń, onyń ishinde Aqmola oblysynyń 25 jylda jetken jetisteri týraly aıtyp berdi.
«Táýelsizdikke qol jetkizý arqyly biz Otanymyzdy kórkeıtýdiń tarıhı múmkindigine ıe boldyq. Táýelsizdik biz úshin asa qymbat»,- dedi Nurlan Jańbyrshyuly.
Saltanatty shara barysynda el táýelsizdiginiń 25 jyldyǵyna oraı, egemen elimizdiń ósip-órkendeýine, óńirimizdiń áleýmettik-ekonomıkalyq damýyna eleýli úles qosqan etnomádenı birlestikterdiń, qoǵamdyq birlestikter men uıymdardyń basshylary men din ókilderine «Qazaqstan Respýblıkasynyń Táýelsizdigine 25 jyl» mereıtoılyq medaldary tapsyryldy. Sonymen qatar, Qazaqstan Respýblıkasy táýelsizdiginiń 25 jyldyǵyna oraı oblys ákiminiń orynbasary Nurlan Nurkenovtiń atynan ár salada eńbek etetin táýelsizdiktiń 22 qurdasyna Alǵys hattar tapsyryldy.
Merekelik shara aıasynda «Qazaqstan ınnoveıshn» qoǵamdyq qory uıymdastyrǵan «Shaǵyn EKSPO» ınnovatsııalyq ıdeıalar men jobalar baıqaýynyń jeńimpazdary anyqtalyp, «Qaldyqtardy zalalsyzdandyrý», «Bilim berý mekemelerinde qýat únemdeý», «Qalpyna keltiriletin jáne qosalqy kózder», «mektep jobalarynyń arasynda qalpyna keltiriletin jáne qosalqy kózder», «Ekologııalyq aýyl sharýashylyǵy», «Ekologııa jáne tabıǵatty paıdalaný» atalymdary boıynsha birinshi dárejedegi dıplomdarmen marapattaldy.
Shara qorytyndysynda Táýelsizdigimizdiń 25 jyldyǵyn arqaý etken respýblıkalyq jáne oblystyq baıqaýlarǵa qatysyp, top jaryp júrgen jergilikti ónerpazdardyń án shashý jurtshylyqty tebireniske bóledi.