Shaǵyn bızneste gaz ballonynyń jarylýy kóbeıdi – TJM

NUR-SULTAN. QazAqparat – Qazaqstanda shaǵyn bıznes sektorynda gaz ballon jabdyǵynyń jarylýy kóbeıdi. Bul týraly QR Tótenshe jaǵdaılar mınıstri ıÝrıı Ilın aıtty, dep habarlaıdy QazAqparat tilshisi.

«Shaǵyn bıznes sektorynda gaz ballony jabdyǵynyń jarylý jaǵdaılary jıilep ketti. Elordada bolǵan qaıǵyly oqıǵalar bizdiń qyzmetkerlerdiń olardy teksermeıtinin kórsetti, óıtkeni bul nysandar baqylanbaıdy. Kóptegen kásipkerler osy tekserýden bosatý jeńildikterin paıdalanyp, gaz ballon jabdyǵyn paıdalaný erejelerin de, órt qaýipsizdigi erejelerin de buzýǵa jol beredi.

Mysaly Nur-Sultanda kafe men tamaq tapsyrysy úshin paıdalanylǵan eki qabatty turǵyn úıde jarylys boldy. Gaz ballonynyń jarylýynan bir qyz oqıǵa ornynda, ekinshi qyz – aýrýhanada qaıtys boldy. Dál osy mekemeden bizdiń qyzmetkerler 19 ballon shyǵardy. Bul bıznes tarapynan aıqyn zańbuzýshylyq bolǵanyn bildiredi. Kóbinese bıznes azamattarymyzdy erikti-eriksiz «óltirip» otyr», - dedi mınıstr Ortalyq kommýnıkatsııalar qyzmetinde ótken brıfıngte.

Osyǵan baılanysty mınıstr shaǵyn jáne orta bıznes ókilderine úndeý jasady.

«Eger bıznes kelýshilerdiń, onyń qyzmetterin paıdalanatyn azamattardyń esebinen jumys istep tursa, qaýipsizdikti qamtamasyz etý týraly da barynsha oılanýlary kerek», - dedi ıÝ.Ilın.