Shaǵyn nesıe qaı salada kóp beriledi

<p>ASTANA.KAZINFORM - Mıkroqarjylandyrý mıkro jáne shaǵyn bıznestiń ósýin qoldaıtyn jáne yntalandyratyn qarjy ınfraqurylymynyń mańyzdy elementine aınalyp keledi. Bul týraly QR Qarjy naryǵyn retteý jáne damytý agenttigi habarlady.</p>

Agenttik málimetinshe, shaǵyn nesıelerdiń 49%-y ShOB jáne ózin-ózi jumyspen qamtyǵan tulǵalarǵa beriledi, shaǵyn nesıelerdiń 17%-y óńdeýshi ónerkásip salalaryndaǵy resýrsty kóp qajet etetin jobalarǵa, iri bızneske berilgen.

Berilgen shaǵyn nesıelerdiń eń kóp úlesi aýyl sharýashylyǵy (31,1%), qyzmet kórsetý (23,9%), elektr energııasyn óndirý (16,3%), ónerkásip (12,3%) jáne saýda (10%) salalaryna tıesili.

Óńirlik bóliniste ónerkásip jáne energııamen jabdyqtaý sektorlarynda Pavlodar (19%) jáne Qostanaı oblystarynda (11%) mıkrokredıt berý basym. Budan ári shaǵyn nesıeler kólemi boıynsha Almaty (16%), Astana (7%), Shymkent (6%), Túrkistan (10%) jáne Aqmola (5%) oblystarynan negizinen saýda, qyzmet kórsetý jáne aýyl sharýashylyǵy sektorlarynda bólinedi.

Agenttik bul nesıeleý sýbektileri neǵurlym táýekeldi bolyp kórinetin ekonomıka salalarynda qyzmetti júzege asyratynyna qaramastan, mıkroqarjy uıymdary men nesıelik seriktestikterdiń bıznes maqsattarǵa arnalǵan kredıttik portfelindegi merzimi ótken bereshektiń úlesi 90 kúnnen astam tómen deńgeıde qalyp otyrǵanyn (3,4%) atap ótti.

Qorlandyrý kózderin keńeıtý maqsatynda MQU jáne KS oblıgatsııalar emıtentterine qoıylatyn baǵaly qaǵazdar naryǵyna ruqsat berý boıynsha lıstıngtik talaptar jeńildetildi.

Buǵan deıin biz Qazaqstanda kredıt pen shaǵyn nesıeniń paıyzdyq stavkasy tómendeıtini týraly jazdyq.