Shaǵyn fýtboldan Qazaqstan quramasy jartylaı fınalǵa shyqty

<p>ASTANA. KAZINFORM — Bosnııa jáne Gertsegovına astanasy Saraevo qalasynda kishi fýtboldan áýesqoılar arasynda Eýropa chempıonatynda Qazaqstan quramasy jartylaı fınalǵa shyqty.</p>

El quramasy shırek fınalda Ázerbaıjandy qapy qaldyryp ketti.

Oıynnyń negizgi kezeńi 0:0 esebimen teń aıaqtaldy. Qazaqstandyqtar qarsylasyn penaltı serııasynda 7:6 esebimen jeńip ketti.

Aıta ketsek, Ázerbaıjan quramasy ótken Eýropa chempıonatynda jeńimpaz atanǵan edi. 

Endi jartylaı fınalda qazaqstandyqtar Serbııa jáne Belgııa jubynyń jeńimpazymen kezdesedi. 

El quramasy toptyq kezeńde Anglııa (7:0) jáne Ýkraınany (3:2) jeńse, Grekııaǵa (0:1) ese jiberip qoıdy. 

Al 1/8 fınalla Slovenııany (1:0) orta jolda qaldyryp ketti.

Eske salsaq, budan buryn fýtboldan birinshi lıgada «Kaspıı» alǵash ret jeńildi.