Shaǵyn fýtboldan Qazaqstan quramasy Eýropa chempıonatynda qola aldy

<p>ASTANA. KAZINFORM - Bosnııa jáne Gertsegovına astanasy Saraevo qalasynda ótken shaǵyn fýtboldan áýesqoılar arasynda Eýropa chempıonatynda Qazaqstan quramasy qola júldeger atandy.</p>

El quramasy jartylaı fınalda Frantsııamen oınady. Kezdesý barysynda qazaqstandyqtar jaqsy oıyn órnegin kórsetti. Nátıjesinde qarsylasynan 7:2 esebimen basym túsip, qurlyqtyq dodada úzdk úshtikti túıindedi.

El quramasy toptyq kezeńde Anglııa (7:0) jáne Ýkraınany (3:2) jeńse, Grekııaǵa (0:1) ese jiberip qoıdy. Al 1/8 fınalda Slovenııany (1:0) orta jolda qaldyrdy. Odan keıin Ázerbaıjanmen kezdesýinde negizgi kezeńi 0:0 esebimen aıaqtalyp, qazaqstandyqtar qarsylasyn penaltı serııasynda 7:6 esebimen jeńip ketti.

Al jartylaı fınaldaǵy Rýmynııamen kezdesýde negizgi kezeń 1:1 esebimen teń aıaqtalyp, penaltı serııasynda qarsylastarǵa 1:3 esebimen jol berdi.