Shaǵyn avıatsııa paıdalanýshylardyń ushý qaýipsizdigi sharalary kúsheıtilip jatyr

<p>ASTANA. KAZINFORM &ndash; Avıatsııalyq jumystarǵa tartylǵan shaǵyn avıatsııalyq áýe kemelerin paıdalanýdyń kóktemgi-jazǵy kezeńiniń bastalýymen avıatsııalyq oqıǵalar faktileri jıilep ketti.</p>

Osyǵan baılanysty Qazaqstannyń avıatsııalyq ákimshiligi QR Kólik mınıstrligi Azamattyq avıatsııa komıtetiniń tapsyrmasyna sáıkes avıatsııalyq oqıǵalardyń qaıtalanýynyń aldyn alýǵa, onyń ishinde kompanııalardyń qyzmetin toqtata turý, áýe kemeleriniń ushýǵa jaramdylyǵy sertıfıkattarynyń qoldanylýyn toqtata turý, zańnama talaptaryn buzǵan tulǵalardy ákimshilik jaýapqa tartý sharalaryn kúsheıtedi.

«Sondaı-aq paıdalanýshylarǵa ushý jaramdylyǵyn baǵalaý baǵdarlamasy boıynsha An-2 úlgisindegi barlyq áýe kemelerine qosymsha baǵalaý júrgizý, avıatsııalyq qyzmetkerlerdiń ushýdy oryndaýǵa daıyndyǵyn baqylaýdy kúsheıtý jáne basqa da aldyn alý sharalary máseleleri boıynsha nusqaýlar berildi», — dep jazdy Kólik mınıstrliginen.

Oqıǵalardyń sebepterin tergeýdi Qazaqstan Respýblıkasy Kólik mınıstrliginiń avıatsııalyq oqıǵalardy tergeý jónindegi komıssııasy júzege asyrady.