Shabýyldar memlekettiń basty qundylyqtary – beıbitshilik pen turaqtylyqtyń álsiz bolǵanyn kórsetti – Prezıdent
«Ótken oqıǵalar bizdiń qoǵamdaǵy bar problemany kórsetti. Qalalarymyzǵa, týǵan-týystarymyzǵa jasalǵan shabýyldar bizdiń memleketimizdiń basty qundylyqtary – beıbitshilik pen turaqtylyqtyń qanshalyqty álsiz bolǵanyn kórsetti. Biz memleket pen azamattar – birtutas uǵym ekenin aıqyn túsinýge tıispiz. Bul uǵymdar esh bólinbeıdi, ásirese, eldiń qaýipsizdigi týraly sóz bolǵanda», - dedi Memleket basshysy.
Buǵan deıin Prezıdent Qarýly kúshter, quqyq qorǵaý qurylymdary, Ulttyq qaýipsizdik, syrtqy barlaý organdary bir maqsat – azamattarymyzdy, konstıtýtsııalyq qurylysty, egemendikti kez kelgen sıpattaǵy jáne aýqymdaǵy qaýip-qatermen barynsha tıimdi qorǵaý úshin úılesimdi jumys isteýi tıistigin aıtqan edi.
Aıta keteıik, Memleket basshysy Qasym-Jomart Toqaevtyń qatysýymen Parlament Májilisiniń otyrysy ótti.
Prezıdenttiń sóılegen sózin 27 respýblıkalyq jáne óńirlik telearna men 3 radıo tikeleı efırde taratty.