Іshi qoqysqa tolǵan Jarkent qalasyndaǵy saıabaqtardy kútip-baptaýǵa bólingen qarajat qaıda ketti

<p>Jarkent qalasyndaǵy &laquo;Bólek batyr&raquo; saıabaǵy men &laquo;Uly Jebe&raquo; parkin kútip ustaýǵa 17 mln teńge bólingen. Bul qarjyǵa jyl boıy tıisti jumys istelýi kerek bolatyn. Alaıda bólingen qarjynyń maqsatty jumsalýyna qatysty suraq týyndap otyr, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Jyldyń basynan beri memlekettik satyp alýlar portalynda atalǵan saıabaq pen parktiń kútimi úshin árqaısysy jarty mln teńge bolatyn lot oınatylǵan. Alaıda sońǵy ret mamyrdyń 16 kúni Panfılov aýdandyq prokýratýrasynyń sheshimimen eki lot toqtatylǵan.

Sodan beri memlekettik satyp alýlar saıtyna parkterdi kútip ustaýǵa eshqandaı habarlama jarııalanbaǵan.

Al jergilikti turǵyndardyń aıtýynsha, atalǵan eki park qazir qaraýsyz kúıde. Іshi qoqysqa tolyp, qırap, synyp jatqanyn aıtady. 

Foto: Jarkent qalasy ákimdiginiń saıty

«Men balalarymdy ertip kelip osy jerge oınatatyn edim. Bıyl qaraýsyz tur. Qanshama qarajat bólinedi dep estımiz, qazirgi kelbeti adam kórgisiz, tozyp tur. Adamdar da kelmeı qoıdy. Park ishi ishimdik bótelkelerine toly. Jóndep jaǵdaı jasaýǵa bolady ǵoı. Sport alańdary, basketbol oınaıtyn jer jabyq. Temirin urlap ketken ne ózderi alyp tastaǵan shyǵar...», - deıdi qala turǵyny Sofııa ıAlkýnjanovna.

Osydan eki jyl buryn memleket qarjysymen 250 mln teńgeden astam qarjyǵa salynǵan balalar oınaıtyn alańdar men sporttyq alańqaılar qaraýsyz qalǵan, qıraýdyń aldynda tur. 

Foto: Jarkent qalasy ákimdiginiń saıty

Al Jarkent qalasynyń ákimi Aıdar Isaev turǵyndarǵa eki parkti kútip-baptaýǵa bólingen 17 mln teńgeden astam qarjynyń qaıda jumsalǵanyn túsindire almaǵan.

«Qazir eki parkti jekelegen kásipkerlerdiń qaraýyna berýge jumys istep jatyrmyz», - deıdi qala ákimi.

Alaıda qala basshysy mamyr aıynan beri memlekettik satyp alýlar portalyna parkterdi kútip ustaýǵa qaıta lot jarııalanbaǵanyn aıtqan. Al turǵyndar aqshasy bólinbegen saıabaqty kimniń jóndeıtininen áli habarsyz.