Seısmıkalyq qaýipti aımaqtarda oqshaýlaý júıeleri qoldanylady – Qanat Sharlapaev

<p>ASTANA. KAZINFORM &ndash; Ónerkásip jáne qurylys mınıstri Qanat Sharlapaev naryqtaǵy josyqsyz qurylysshylarmen kúres sharalaryn atap, jańa qurylys kodeksi jobasynyń basty jańashyldyǵyn atady.&nbsp;</p>

- Búginde qurylys kodeksiniń jobasy ázirlenip, Májilistiń qaraýyna engizildi. Jobada kózdelgen sharalar naryqtaǵy josyqsyz qurylysshylardy joıýǵa, barlyq sýbektiniń quzyrettiligi men kásibı jaýapkershiligin arttyrýǵa arnalǵan. Sondaı-aq jobalaý jáne qurylystyń sapasyn arttyrýǵa múmkindik beredi, - dedi Qanat Sharlapaev Úkimet otyrysynda.

Onyń aıtýynsha, jańa kodekste qurylys jobalary memlekettik saraptamalyq tekserýden ótedi.

- Sonymen qatar jańa qurylys kodeksi aıasynda jaýapkershilikti saqtandyrý arqyly sarapshylardy sertıfıkattaýdy engizý josparlanýda. Seısmıkalyq qaýpi bar aımaqtarda qaýipsizdikti qamtamasyz etý úshin, jobalaý jáne qurylys barysynda, seısmıkalyq oqshaýlaý júıeleri qoldanylady. Jalpy ázirlengen tásilder, azamattardyń ómir súrýine qolaıly jaǵdaı jasaý úshin, ashyqtyqty qamtamasyz etýge, baqylaýdy kúsheıtýge, sapa men jaýapkershilikti arttyrýǵa baǵyttalǵan, - dedi vedomstvo basshysy.

Aıta keteıik, bıyl 10 myńnan astam kredıttik turǵyn úı paıdalanýǵa beriledi.  

Úkimet otyrysynda elimizde 2030 jylǵa deıin qurylys salasyna 200 myńnan astam maman qajettigi aıtyldy.