Seıshel araldaryna qatysty vızasyz rejım jaqynda kúshine enýi múmkin

<p><span style="font-family: sans-serif; font-size: 18px;">QR Syrtqy ister mınıstrliginiń resmı ókili Aıbek Smadııarov jaqynda Seıshel araldaryna vızasyz barý rejımi kúshine enýi múmkin ekenin aıtty, dep habarlaıdy QazAqparat tilshisi.</span></p>

«Jaqynda Qazaqstan men Seıshel araldary vızasyz rejım týraly kelisimge qol qoıdy. Osy kelisim aıasynda memleket ishindegi rásimder aıaqtalǵannan keıin, vızasyz tártip kúshine enedi. Eki eldiń azamattary bir-birine 30 kúnge deıin vızasyz bara alady», - dedi A. Smadııarov aptalyq baspasóz máslıhatynda tilshiler suraǵyna jaýap bere otyryp.
Bul turǵyda atalǵan kelisim boıynsha tıisti jumystar qarqyndy júrip jatqanyn jáne jaqyn arada aıaqtalatynyn aıtty.
«Al Bangladeshpen aradaǵy kelisim (vızasyz rejım týraly) dıplomatııalyq jáne qyzmettik tólqujatty ustap júrgen adamdarǵa arnalǵan. Aldaǵy ýaqytta osy elmen basqa da pasport túrlerine vızasyz rejım engizýge tyrysamyz», - dedi resmı ókil.
Budan buryn habarlanǵandaı, Qazaqstan 30-dan astam memleketpen vızalyq rejımdi jeńildetý týraly kelissózdi jalǵastyryp jatyr.