Seısenbide el aýmaǵynda jel kúsheıip, daýyl turady

<p>ASTANA. KAZINFORM — Qazgıdromet sınoptıkteri 27 tamyz, seısenbige arnalǵan aýa raıy boljamyn jarııalady. </p>

Soltústik-batys tsıklonynyń áserinen Qazaqstan aýmaǵynyń kóp bóliginde aýa raıynyń turaqsyz sıpaty saqtalady.

Osylaısha naızaǵaı jarqyldap, jańbyr jaýady.

Tek batysta, ońtústik-shyǵysta jaýyn-shashynsyz aýa raıy kútiledi. 

Respýblıka boıynsha jel kúsheıip, eldiń soltústiginde, shyǵysynda — túnde jáne tańerteń tuman, ońtústiginde — shańdy daýyl soǵady.

Ásirese Qyzylorda oblysynda qatty daýyl turady.

Eldiń barlyq derlik óńirinde tótenshe órt qaýpi bar.