Seýldegi týrızm kórmesinde Qazaqstan úzdik is-shara úshin marapattaldy
QR Mádenıet jáne sport mınıstrliginen málim etkendeı, is-sharaǵa álemniń 70 elinen 800 eksponent jáne 120 myńnan astam kelýshi jınaldy. Qazaqstandyq delegatsııa quramynda otandyq týroperatorlar, avıakompanııalar jáne basqa da bıznes ókilderi boldy. Qazaqstan stendin Almaty oblysynyń ákimdigi uıymdastyrǵan.
Іskerlik baǵdarlamadan basqa, kelýshilerdiń nazaryn stendke aýdarý úshin ulttyq úlgide kıingen akterler men mýzykanttar shaqyryldy, qonaqtarǵa ulttyq taǵamdar usynyldy. Bul kórmeni uıymdastyrýshylar nazarynan tys qalmaǵan. Nátıjesinde qazaqstandyq delegatsııanyń stend aıasyndaǵy is-sharalary úzdik tanylyp, arnaıy syılyqpen marapattaldy.
«SITF syndy aýqymdy kórmelerge qatysý Qazaqstanǵa basqa elderden týrısterdi tartý úshin óte mańyzdy. Mysaly, ótken jyly elimizge Ońtústik Koreıadan 16 myń qonaq keldi. Osyndaı stendtermen biz elimizge kelýshiler sanyn ulǵaıtýdy, sondaı-aq áleýetti týrısterdi Qazaqstannyń mádenıeti men ulttyq dámimen tanystyrýdy maqsat etip otyrmyz», - dep atap ótti QR MSM Týrızm ındýstrııasy komıtetiniń tóraǵasy Dastan Ryspekov.