Seýlde «Almaty – uly dalanyń injý-marjany» kórmesi ashyldy

SEÝL. QazAqparat – Seýl tarıhy murajaıynda Qazaqstan men Ońtústik Koreıa arasyndaǵy dıplomatııalyq qatynastardyń ornaǵanyna 30 jyl tolýyna oraı, «Almaty – uly dala injý-marjany» kórmesiniń saltanatty ashylý rásimi ótti. Bul týraly QazAqparat QR Syrtqy ister mınıstrligine silteme jasap habarlaıdy.

Kórmeni Qazaqstannyń Koreıa Respýblıkasyndaǵy Elshiliginiń qoldaýymen Almaty qalasy murajaılarynyń birlestigi uıymdastyrdy jáne oǵan Almaty qalasynyń murajaıy men Yqylas atyndaǵy ulttyq mýzykalyq aspaptar murajaıynyń kollektsııasynan 130-dan astam etnografııalyq eksponat qoıylǵan.

Kórme kóshpeli ómir súrgen túrki halyqtarynyń dástúrlerin mura etken Qazaqstannyń ómiri týraly túsinik beredi, sondaı-aq qazaqtardyń dástúrli mádenıeti, tirshilikti qamtamasyz etý júıesi, sharýashylyq jáne turmys salty, rýhanı mádenıeti týraly baıandaıdy.

Іs-sharaǵa Qazaqstannyń Elshisi Baqyt Dúısenbaev, Almaty qalasy Mádenıet basqarmasynyń basshysy Ǵanı Maılybaev, Almaty qalasy murajaılar birlestiginiń dırektory Lázzat Saǵyndyqova, Seýl tarıhy murajaıynyń dırektory Kım Eng Sok, Seýl qalalyq keńesiniń, dıpkorpýstyń, bıznes toptardyń, jurtshylyq pen BAQ ókilderi qatysty.

Foto: gov.kz