SES orynbasary kásipkerdi zańsyz teksergen - Óskemen prokýratýrasy
Óskemen qalasynyń prokýratýrasy ShQO sanıtarııalyq-epıdemıologııalyq baqylaý basqarmasynyń jeke kásipkerlik sýbektisin zańsyz tekserý faktisin anyqtady.
«Qala turǵyndary «ADK River» saýda ortalyǵyndaǵy jeldetkishtiń jumysyna shaǵymdanǵan. Tekserý nátıjeleri boıynsha sanıtarııalyq-epıdemıologııalyq baqylaý basqarmasy táýliktiń kúndizgi jáne túngi ýaqytynda jeldetkish dybysynyń tıisti deńgeıden asý faktilerin anyqtap, QR ÁQBtK 425-baby 1-bóligimen«AlmaStor» JShS qatysty ákimshilik is qozǵady. Alaıda, mamandandyrylǵan ákimshilik sottyń sheshimimen jeke kásipkerlik sýbektisiniń qyzmetin tekserý zańsyz dep tanylyp, keıinnen tekserýdi taǵaıyndaý týraly aktiniń kúshi joıyldy», - dep habarlady prokýratýranyń baspasóz qyzmeti.
Naqty aıtqanda, atalǵan seriktestik memlekettik baqylaý jáne qadaǵalaý sýbektisi emes, sondyqtan onyń qyzmetine aralasýǵa negiz bolmaǵan.
«Saýda ortalyǵynyń ıesi - «DalProdýkt» JShS, al «AlmaStor» JShS nysannyń bir bóligin jalǵa alǵan, ıaǵnı kásipker tekserý sýbektisine jatpaıdy. Osyndaı zań buzýshylyqqa jol bergeni úshin sanıtarııalyq-epıdemıologııalyq baqylaý basqarmasy basshysynyń orynbasary QR ÁQBtK 175-babymen ákimshilik jaýapkershilikke tartylyp, oǵan 20 AEK mólsherinde aıyppul salyndy», - delingen aqparatta.