Serjan Ábdikárimov Qazaqstannyń Indonezııadaǵy Elshisi laýazymyna taǵaıyndaldy

<p>Serjan Oralbaıuly Ábdikárimov<strong data-entity-type="MessageEntityBold">&nbsp;</strong>Qazaqstan Respýblıkasynyń Indonezııa Respýblıkasyndaǵy Tótenshe jáne Ókiletti Elshisi laýazymyna taǵaıyndaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> Aqordanyń baspasóz qyzmetine silteme jasap.&nbsp;</p>

Sondaı-aq, Memleket basshysynyń Jarlyǵymen Danııar Qabıdollauly Sarekenov Qazaqstan Respýblıkasynyń Indonezııa Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Fılıppın Respýblıkasyndaǵy Tótenshe jáne Ókiletti Elshisi qyzmetin qosa atqarýshy laýazymdarynan bosatyldy.

Serjan Oralbaıuly Ábdikárimov 1976 jyly 11 mamyrda Qaraǵandy qalasynda týǵan. Abaı atyndaǵy Almaty memlekettik ýnıversıtetin jáne Reseı SІM Dıplomatııalyq akademııasyn bitirgen.

Dıplomatııalyq qyzmetin 1998 jyly referent retinde bastady, keıin Qazaqstan Respýblıkasy Syrtqy ister mınıstrliginiń Halyqaralyq ekonomıkalyq yntymaqtastyq departamentiniń attashesi boldy. 1999 jyly Ońtústik Koreıadaǵy QR Elshiligine attashe retinde jiberildi. 2002 jyly QR SІM Halyqaralyq ekonomıkalyq uıymdar basqarmasynyń ekinshi hatshysy boldy. 2002-2005 jyldary Aýstrııadaǵy QR Elshiliginiń ekinshi hatshysy jáne Ulybrıtanııadaǵy QR Elshiliginiń birinshi hatshysy bolyp jumys istedi.

2005 jyldan 2008 jylǵa deıin QR SІM Aqparattyq-taldaý jumysy jáne boljamdy baǵalaý departamentiniń dırektory, Eýropa jáne Amerıka departamentiniń dırektory, Eýropa departamentiniń dırektory qyzmetterin atqardy.

2008-2009 jyldary Qazaqstannyń Bolgarııadaǵy Senimdi ókili boldy. 2009-2012 jyldary – QR SІM Erekshe tapsyrmalar jónindegi elshisi – EQYU departamentiniń dırektory, Erekshe tapsyrmalar jónindegi elshisi – Jalpyeýropalyq yntymaqtastyq departamentiniń dırektory.

2012-2014 jyldary QR SІM Syrtqy saıası taldaý jáne boljamdaý komıtetiniń tóraǵasy, al 2014-2015 jyldary Syrtqy saıası taldaý jáne boljamdaý departamentiniń dırektory qyzmetterin atqardy.

2015-2019 jyldary Qazaqstannyń Chehııadaǵy Elshisi, sonymen qatar Qazaqstannyń Slovakııadaǵy Elshisi qyzmetin qosa atqarýshy boldy.

Qazaqstannyń Indonezııadaǵy Elshisi bolyp taǵaıyndalǵanǵa deıin 2019 jylǵy qyrkúıekten 2023 jylǵy sáýirge deıin Qazaqstannyń Ázerbaıjandaǵy Elshisi boldy.

I synypty Tótenshe jáne Ókiletti Ýákil dıplomatııalyq dárejege ıe.

Aǵylshyn, frantsýz, koreı jáne ındonezııa tilderin meńgergen.