Serke teatry Muhtar Áýezovtiń mereıtoıy aıasynda "Kókserek" qoıylymyn usynady

JEZQAZǴAN. QazAqparat - S.Qojamqulov atyndaǵy Ulytaý oblystyq Jezqazǵan qazaq mýzykalyq drama teatrynda KSRO Halyq artısi L.Heıfets sheberhanasynyń GITIS túlegi, Reseıdiń rejısseri Konstantın Denıskın «Kókserek» qoıylymyn qazaq tilinde qoıady, dep habarlaıdy QazAqparat.

4-5-qarasha kúnderi Serke teatrynda Muhtar Áýezovtyń 125 jyldyǵy aıasynda «Kókserek» áńgimesiniń jelisi boıynsha «Kókserek» qoıylymynyń premerasy ótedi. Qoıýshy rejısseri, KSRO Halyq artısi L.Heıfets sheberhanasynyń GITIS túlegi Konstantın Denıskın, plastıka rejısseri – Sofıa Gýrjıeva, qoıýshy-sýretshi – Alena Grek.

Kókserek – adamzat pen tabıǵattyń arpalysy, rýhanı teketires alańy. Qasqyr-adam-tabıǵat arasyndaǵy kúrdeli másele – spektakldiń negizgi arqaýy. Kókserektiń tabıǵatyna jat ortada, adamdar arasynda ósýi – úlken tragedııanyń basy edi. Bolmysyna jat ortada ósken ol uıalastaryn izdep, bostandyqqa umtyldy. Muhtar Áýezovtyń ǵasyrǵa jýyq ǵumyry bar áńgimesiniń zamanaýı ózektiligi esh ózgergen emes.

Aıta keteıik, Serke teatry 2022 jyly óziniń 50 jyldyǵyn atap ótpek. 1972 jyly máskeýlik Şepkın atyndaǵy teatr ýchılışesi qazaq stýdııasynyń túlekterinen Arqalyq qalasynda teatr qurylyp, 1988 jyly Jezqazǵan qalasynda qyzmetin tabysty jalǵastyrady.