Serik Jumanǵarın azyq-túlik baǵasyna qatysty túsinik berdi

<p>ASTANA. KAZINFORM &ndash; Qazaqstanda óndiriletin azyq-túlikke valıýta baǵamynyń ózgerýi áser etpeýi tıis. Bul týraly Úkimet basshysynyń orynbasary Serik Jumanǵarın aıtty.</p>

Búgin Parlament Májilisinde tilshiler taıaýda dúken sórelerinde azyq-túliktiń qymbattaýy múmkindigine qatysty suraq qoıdy.

Óz kezeginde S.Jumanǵarın azyq-túliktiń aıtarlyqtaı qymbattamaıtynyn aıtty.

- Jańajyldyq mereke qarsańynda qandaı da bir dúrbeleń bolýy múmkin. Dástúrli túrde jyl aıaǵynda suranystyń tym joǵary bolýy saldarynan baǵany kóterip jatady. ıAǵnı turǵyndar osy ýaqyt aralyǵynda azyq-túlik pen taýarlardy birden kóp kólemde satyp alady. Bul rette naryqta usynystan suranys kólemi arta túsedi de, baǵa ósedi, - dedi Úkimet basshysynyń orynbasary.

Serik Jumanǵarın qysqa merzimde dollar baǵamynyń ózgerýi azyq-túliktiń qunyna áser etpeıtinin aıtty.

- Importtalatyn ónimderdiń keıbir qymbat segmentterinde baǵa ósýi yqtımal. Máselen, Frantsııadaǵy fýa-grany alsańyz, qymbatqa túsetini belgili. Óıtkeni siz ony shetel valıýtasyna satyp alasyz. Sondaı-aq sheteldik qymbat sharaptardy satyp alatyndar da osyndaı jaǵdaıǵa tap bolady. Al Qazaqstanda óndiriletin qus etine nemese ózimizdiń nanǵa dollardyń qandaı qatysy bar?, - dedi Premer-mınıstrdiń orynbasary.

Buǵan deıin Premer-mınıstrdiń orynbasary Serik Jumanǵarın biryńǵaı ýaqyt beldeýiniń adamdarǵa áserin zertteý máselesine qatysty pikir aıtty.