Serik Jumanǵarın veıpterge tolyq tyıym salý máselesine qatysty pikir bildirdi

ASTANA. QazAqparat – Premer-Mınıstrdiń orynbasary – Saýda jáne ıntegratsııa mınıstri Serik Jumanǵarın veıpterge tolyq tyıym salý máselesine qatysty pikir bildirdi, dep habarlaıdy QazAqparat tilshisi.

Búgin Úkimet otyrysynan keıin tilshiler mınıstrden veıpterge tyıym salý boıynsha Úkimettiń ustanymy jóninde suraq qoıdy.

«Bul másele boıynsha salalyq mınıstrlikten tıisti málimetterdi alýǵa bolady. Osy qadam bireýdiń ónim ótkizip jatqan naryǵyn jaýyp tastaý úshin jasalyp jatqan joq. Basty maqsat - halyqtyń, ásirese, óskeleń urpaqtyń densaýlyǵyn saqtaý. Sebebi atalǵan ónimder adamdardyń densaýlyǵyna keri áser etedi», - dedi S. Jumanǵarın.

Buǵan deıin elimizde veıp pen elektrondy temekige tolyq tyıym salynýy múmkin ekenin jazǵan edik.