Serik Jumanǵarın elimizde pııaz jetkilikti ekenin aıtty

ASTANA. QazAqparat - QR Premer-Mınıstriniń orynbasary – Saýda jáne ıntegratsııa mınıstri Serik Jumanǵarın elimizde pııaz baǵasynyń qymbattaýyna esh negiz joq ekenin aıtty, dep habarlaıdy QazAqparat tilshisi.

«Qazir baǵa turaqtanyp keledi. Elimizde pııaz jetkilikti. Sonymen qatar, osy ónimniń eksportyn jaýyp tastadyq. Pııazdy qappen satyp alýdyń reti joq. Biraq onyń saýdasyna alyp-satarlar da kirisip ketkenin baıqadyq. Elordadaǵy «Magným» saýda jelisinde pııaz 130 teńgeden satylyp jatyr», - dedi S. Jumanǵarın Senatta tilshiler suraǵyna jaýap bere otyryp.

Onyń aıtýynsha, jaqynda «Magným» saýda jelisiniń qyzmetkerleri tıisti tekseris júrgizip, arzan ónimdi bazarǵa saýdaǵa shyǵarǵan 19 adamdy anyqtady.

«Mundaı alyp-satar áreketter durys emes. Biz osy taýardy qarapaıym halyq úshin saqtap, 130 teńge somasynda ótkizip jatyrmyz. Sonymen qatar, pııazdyń sapasy nashar degen ýáj aıtyldy. Osyny tekserip, sapasy jaqsy ekenin kórdik», - dedi mınıstr.

Budan buryn habarlanǵandaı, Qazaqstan óńirlerinde turaqtandyrý qorlarynan saýda nysandaryna pııaz jetkizile bastady.