Serik Jumanǵarın EAEO elderi «Tsıfrlyq kún tártibin» júzege asyrýdy nege keıinge qaldyrǵanyn aıtty

MÁSKEÝ.QazAqparat - Premer-Mınıstrdiń orynbasary – Saýda jáne ıntegratsııa mınıstri Serik Jumanǵarın ІІ Eýrazııalyq ekonomıkalyq forým aıasynda ótken «EAEO tsıfrlyq transformatsııasy» sessııasynda tsıfrlyq kún tártibi Eýrazııalyq ekonomıkalyq odaqty damytýdyń negizgi basymdyqtarynyń biri ekenin aıtty. Bul týraly QazAqparat tilshisi habarlaıdy.

«Biz qamtamasyz etýimiz kerek jáne bastapqyda jarııalaǵan eń mańyzdy basymdyq – tórt ekonomıkalyq erkindikti uıymdastyrý boldy. Bastapqyda ekonomıkany biriktirý týraly aıtyp, halyq pen bızneske odaqtyń paıdasyn dáleldedik», - dedi Serik Jumanǵarın.

Ol, sondaı-aq, EEK týraly shartta jáne EAEO-2025 Strategııasynda belgilengen baǵdarlardy ustanýdyń mańyzdylyǵyn atap ótti. Alaıda, onyń aıtýynsha, búgingi tańda strategııanyń oryndalýy kóp nárseni talap etedi jáne keıbir josparlar boıynsha artta qalýshylyq baıqalady, sonymen qatar EAEO birneshe faktorlarmen, sonyń ishinde koronavırýs pandemııasy men geosaıası jaǵdaıdyń ózgerýine qaramastan, ósýdiń jańa kezeńine ótti.

Serik Jumanǵarın EAEO-nyń negizgi basymdyqtary qatarynda tsıfrlyq kún tártibin damytýdy atady.

«Tehnologııalyq damý onymen báribir baılanysty. Tsıfrlyq kún tártibi - odaqtyń túrli maqsattar boıynsha bólingen tsıfrlyq platformasy. Biz ony qaıtadan júzege asyrdyq, bul obektıvti sebepterge baılanysty bolyp jatyr»,-dedi Premer-Mınıstrdiń orynbasary.

Onyń aıtýynsha, EAEO keńistiginde tsıfrlyq kún tártibin damytý aǵymdaǵy problemalardy, mysaly, odaq elderi arasyndaǵy tehnıkalyq retteý salasyndaǵy kedergilerdi joıýdy serpindi sheshýdi qamtamasyz etýge múmkindik beredi.

24-25 mamyrda Máskeýde ІІ Eýrazııalyq ekonomıkalyq forým ótip jatyr. Shara EAEO-ǵa múshe memleketter basshylarynyń qatysýymen ótetin Joǵary Eýrazııalyq ekonomıkalyq keńestiń otyrysyna oraılastyrylyp otyr.