Serik Jumanǵarın CITIC Group kompanııasyn Qazaqstannyń aýyl sharýashylyǵyna ınvestıtsııa salýǵa shaqyrdy

ASTANA. QazAqparat - CITIC Group – qarjy-banktik qyzmetpen, saqtandyrýmen, ekonomıkanyń ónerkásiptik jáne qurylys sektorlaryna ınvestıtsııalaýmen, energetıkamen, mıneraldy resýrstardy ıgerýmen, mashına jasaýmen, kólik jáne telekommýnıkatsııamen, jyljymaıtyn múlikpen aınalysatyn iri memlekettik konglomerat. 2022 jyldyń qorytyndysy boıynsha Fortune Global 500 kompanııalarynyń halyqaralyq reıtınginde 102-oryn ıelendi.

Qyzmettiń ónerkásiptik vektoryna qaramastan, búginde kompanııa aýyl sharýashylyǵy baǵytyn belsendi damytýda. Alashankoýda et óńdeý kombınatyn salýdy josparlap otyr. Kezdesýde taraptar Qazaqstandaǵy aýyl sharýashylyǵyna ınvestıtsııa quıý múmkindikterin talqylady, dep habarlaıdy QazAqparat Úkimettiń resmı saıtyna silteme jasap.

Tao ıAn atap ótkendeı, CITIC konglomeraty qazaqstandyq mal ósirý qaýymdastyǵymen tyǵyz baılanysta.

«Qazir Qazaqstanda bıdaı negizindegi jemshóp óndiretin zaýyt qurý jobasymen jumys istep jatyrmyz. Qytaıda mundaı jemge úlken qajettilik bar. Jaqynda Úsharalda sıyr ósirýmen aılanysatyn jergilikti seriktesterimen kezdestik. Olar aımaqtyq kompanııa qurýǵa nıetti, olarda mal ósirý jaǵdaılary Shyńjańǵa qaraǵanda jaqsyraq. Alaıda tiri mal men etti Qazaqstannan QHR-ǵa áketýge shekteý qoıý máselesi bar», — dedi konglomerat basshysy.

Serik Jumanǵarın QR barlyq aýmaǵynan et ónimderin eksporttaýdy Qytaı tarapy epızootııaǵa baılanysty toqtatqanyn atap ótti. Biraq eki eldiń ýákiletti organdary qazir bul shekteýlerdi alý úshin belsendi jumys isteýde.

«Biz úshin shekteýlerdi múmkindiginshe tezirek alyp tastaý máselesin sheshý óte mańyzdy, Qazaqstannyń Qytaıǵa et jetkizýdi qamtamasyz etýdiń múmkindikteri zor. Osy jyldyń naýryz aıynda Dúnıejúzilik janýarlar densaýlyǵy uıymy Qazaqstannyń bes ońtústik-shyǵys óńirin vaktsınatsııamen aýsyldan taza dep jarııalady», — dedi ol.

Qazaqstannyń vıtse-premeri CITIC CONSTRUCTION prezıdentine aýyl sharýashylyǵyna qatysty ınvestıtsııalardyń birneshe baǵytyn qaraýdy usyndy. Birinshisi, SÝAR-ǵa irgeles aýmaqta ósimdikterdi, jem-shópter men janýarlardy birge ósirý. Ekinshisi, sıyrlar men qoılardy birge ósirý.

«Qazaqstan aýmaǵynda teri men júndi qaıta óńdeý, sút, qus ósirý óndiristeri jetispeıdi. Osy salalarǵa, sýarý jobalaryna ınvestıtsııa salý múmkindigin qarastyrýdy usynamyn. QR Úkimeti jobalardy sátti iske asyrýǵa járdemdesýge daıyn, óıtkeni CITIC Group Qazaqstannyń senimdi ınvestıtsııalyq seriktesi», — dedi Serik Jumanǵarın.

Qazaqstandaǵy CITIC Group qatysýymen jobalar:

Qarajanbasmunaı «AQ – «QMG «BÓ» AQ (50%) jáne «CITIC Group» (50%) aktsıonerleri.

«CASPI BITUM «BK» JShS bıtým zaýyty.

«CITIC Kazyna Investment Fund I». Qordyń ınvestorlary – «Qazyna Kapıtal Menedjment» AQ (49,9%), «CITIC Group» (37,4%) jáne onymen úlestes «Sun Success International Limited» kompanııasy (12,5%). Qordy ınvestıtsııalyq basqarý tepe-teńdik negizinde júzege asyrylady.

«Eurasian Nurly Investment Fund» birlesken tikeleı ınvestıtsııalar qory – «CITIC Group» korporatsııasynyń jáne basqa da birqatar seriktesterdiń qatysýymen «Samuryq-Qazyna» AQ-nyń «Qazyna Kapıtal Menedjment» AQ-men birlesip jasaǵan jobasy.

Taldyqorǵan – Óskemen (764 km) jáne Úsharal – Dostyq (180 km) ýchaskelerindegi avtojoldardy rekonstrýktsııalaýǵa arnalǵan bas merdigerlik shart.

Qarajanbas ken ornynda qat-qabat sýyn tereń óńdeý. Jobanyń maqsaty – tehnologııalyq qajettilikter úshin táýligine 17 myń tekshe metr kóleminde tuşylandyrylǵan qat-qabat sýyn óndirý, sondaı-aq halyqtyń qajettilikterine jetkizý. Nysan synaq rejıminde 2022 jylǵy 7 shildede paıdalanýǵa berildi.