Serik Jumanǵarın baspana baǵasy týraly pikir bildirdi
«Baspana baǵasy boıynsha qolymda qazir sońǵy derekter joq. Byltyr qaıtalama naryqta da, bastapqy naryqta da baǵanyń ósýin tirkegen bolatynbyz. Biz bastapqy jáne qaıtalama naryqtaǵy baspana baǵasyn 3-ten 20%-ǵa deıin túsirilgenin málimdegen edik. Óıtkeni jetekshi qurylys kompanııalarymen sondaı memorandýmǵa qol qoıǵanbyz. Bul búkil Qazaqstan boıynsha baǵanyń túsýine áser etti. Bapana satyp alýǵa qajet qarjy kóziniń paıda bolýy baǵany sharyqtatqanyn ózderińiz de bilesizder», - dedi Serik Jumanǵarın.
Onyń paıymynsha, baspana baǵasynyń qalaı qubylatyny eldegi, syrttaǵy ekonomıkalyq jaǵdaılarǵa táýeldi.
«Halyq jınaǵan aqshasynyń bárin baspanaǵa salady. Sondyqtan biz bul máselege monıtorıng júrgizemiz. Baǵa qatty ósedi dep oılamaımyn. Óıtkeni bul halyqtyń tólem qabiletine tikeleı baılanysty», - dedi agenttik basshysy.