Serik Shápkenov BUU ókilderimen Qazaqstandaǵy áleýmettik qoldaý sharalarynyń tıimdiligin talqylady

NUR-SULTAN. QazAqparat - QR Eńbek jáne halyqty áleýmettik qorǵaý mınıstri Serik Shápkenov BUUDB-nyń Qazaqstandaǵy Turaqty ókili ıAkýp Berıshpen kezdesý ótkizdi, dep habarlaıdy QazAqparat Eńbek mınıstrliginiń baspasóz qyzmetine silteme jasap.

Kezdesý barysynda taraptar 2021-2023 jyldarǵa arnalǵan «Halyqtyń áleýmettik osal toptary úshin áleýmettik qorǵaý jáne iske qosý baǵdarlamalarynyń tıimdiligi men qoljetimdiligin arttyrý» birlesken jobasynyń perspektıvalaryn, sondaı-aq ótken jyldardaǵy yntymaqtastyqtyń qorytyndylaryn talqylady.

Sóz basynda Serik Shápkenov 2018-2020 jyldary iske asyrylǵan «Halyqty áleýmettik qorǵaý júıesiniń turaqty damýy: áleýmettik ıntegratsııa jáne ınklıýzııa jónindegi baǵdarlamalardy ilgeriletý» birlesken jobasynyń oń nátıjelerin atap ótti.

«Joba múgedektigi bar adamdarǵa qatysty ózekti máselelerdi sheshýge halyqaralyq uıymdardyń qatysýynyń mańyzdylyǵyn kórsetti. Bizdiń Úkimet úshin múgedektigi bar adamdardyń quqyqtary men múmkindikterin keńeıtý basym mindetterdiń biri bolyp tabylady», – dedi Eńbekmıniniń basshysy.

Onyń aıtýynsha, osy maqsattarǵa qol jetkizý aıasynda Qazaqstanda keshendi sharalar, onyń ishinde Qazaqstan Respýblıkasynda múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi 2025 jylǵa deıingi ulttyq jospar aıasynda júzege asyrylýda.

«2020 jyly múgedektigi bar adamdar úshin tehnıkalyq quraldar men ońaltý qyzmetterin tikeleı jetkizýshiden tańdaý quqyǵyn kózdeıtin Áleýmettik qyzmetter portaly iske qosyldy. Sol jyly laıyqty bos jumys oryndaryn izdeýge kómek kórsetý úshin múgedektigi bar adamdarǵa usynylatyn kásipter men mamandyqtardyń atlasy ázirlenip, jumyspen qamtý ortalyqtaryna jiberildi. 9 óńirde «Ten Qogam» múgedektigi bar adamdardy áleýmettik qoldaý jáne jumysqa ornalastyrý ortalyqtary ashyldy», – dedi Serik Shápkenov.

Mınıstr sondaı-aq Memleket basshysynyń tapsyrmasyn oryndaý úshin Úkimet Múgedekterdiń quqyqtary týraly konventsııaǵa Fakýltatıvtik hattamany ratıfıkatsııalaý boıynsha memleketishilik rásimderdi júrgizip jatqanyn, al Parlament Senatynda «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» zań jobasy qaralýda ekenin habarlady.

Sonymen qatar, Serik Shápkenov QR Eńbekmıni men BUU DB-nyń 2021-2023 jyldarǵa arnalǵan «Halyqtyń áleýmettik osal toptary úshin áleýmettik qorǵaý jáne belsendirý baǵdarlamalarynyń tıimdiligi men qoljetimdiligin arttyrý» birlesken jobasynyń perspektıvalaryn atap ótti.

«Jańa joba ózin-ózi júzege asyrýǵa jáne halyqtyń neǵurlym osal toptaryn qoǵamǵa yqpaldastyrýǵa baǵyttalǵan áleýmettik qorǵaýdyń qazaqstandyq modelin nyǵaıtýǵa múmkindik beredi. Biz qol jetkizilgen yntymaqtastyq deńgeıin joǵary baǵalaımyz jáne aǵymdaǵy jáne perspektıvalyq jobalar aıasynda odan ári birlesken jáne nátıjeli jumysqa úmittenemiz», – dep túıindedi ol.

Óz kezeginde ıAkýp Berısh QR Eńbekmıniniń basshylyǵyna jemisti birlesken jumysy úshin alǵysyn bildirip, odan ári jemisti yntymaqtastyqqa daıyndyǵyn bildirdi.