Serik Sápıev Tokıo Olımpıadasy týraly: Kemshiliktermen jumys jasaımyz

NUR-SULTAN. QazAqparat – Tokıo Olımpıadasy oıyndarynan soń sportshylar jáne olardy jattyqtyrýshy bapkerlerdiń qatysýymen keńeıtilgen otyrys ótedi. Bul týraly QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Serik Sápıev málim etti, dep habarlaıdy QazAqparat tilshisi.

«Ketken kemshiliktermen jumys mindetti túrde bolady. Bul máselede boksshylarmen qatar jattyqtyrýshylarmen de jumys jasaımyz. Jalpy biz bas bapkerdi taǵaıyndaǵanda oǵan bar jaýapkershilikti júkteımiz. Árıne bapkerden bólek, sportshyǵa da baılanysty. Boksshylar Sáken Bıbosynov sekildi alańǵa shyqqannan soń sońyna deıin kúresýi tıis. ıAǵnı jattyǵý kestesi men rejimdi ázirlep jospar qurady, al sportshy soǵan sáıkes tıisti deńgeıde jattyǵyp, bar kúsh-jigerin salýy qajet», - dedi Serik Sápıev Ortalyq kommýnıkatsııalar qyzmetinde onlaın ótken baspasóz máslıhatynda.

Komıtet basshysy Olımpıada oıyndary aıaqtalǵan soń ony qorytyndylaýǵa arnalǵan jıynnyń ótetinin alǵa tartty.

«Ár Olımpıada oıyndary máresine jetken soń, sporshylar, jattyqtyrýshylar, Ulttyq Olımpıada komıteti, sport federatsııalary ókilderiniń qatysýymen keńeıtilgen otyrys ótedi. Sol jerde másele keńinen qaralyp, qajet bolǵan jaǵdaıda bas bapker men jattyqtyrýshylar qaıta taǵaıyndalady. Osy joly da Tokıo Olımpıdasynan soń kezekti jıyn ótkizip, jiberilgen qatelik, kemshilikterdi qaraımyz», - dedi ol.

Buǵan deıin S. Sápıev Olımpıada oıyndarynda óner kórsetken boksshylar synyna óz baǵasyn bergen bolatyn.