Serik Sápıev «Golovkın-Kanelo» revanshyna boljam jasady

ASTANA. QazAqparat - Olımpıada chempıony Serik Sápıevtiń aıtýynsha, Gennadıı Golovıknniń sońǵy eki jekpe-jegi ońaı bolǵan joq. Sebebi Djeıkobs ta, Alvares te osal qarsylastar emes. Al revanshty uıymdastyrýǵa eki másele kedergi bolyp otyr, dep xabarlaıdy QazAqparat tilshisi.

«Menińshe, 5 mamyrda bolmasa da, revansh báribir uıymdastyrylady. Sebebi alǵashqy jekpe-jekte olar teń tústi. Ekeýi de óz basymdyǵyn dáleldegisi keledi. Qazir olar revansh boıynsha bir sheshimge kele almaı jatyr. Jekpe-jekti ótkizý orny bar, gonorar bar, osy eki másele kedergi bolyp jatqan sııaqty. Degenmen, promoýterler bir kelisimge keledi dep oılaımyn», - dedi S.Sápıev QazAqparat tilshisine bergen suxbatynda.

S.Sápıevtiń aıtýynsha, Gennadıı Golovkın sońǵy eki jekpe-jekti nokaýtsyz ótkizse de, áli óz babynda. Alvareske qarsy birinshi jekpe-jekte GGG óz qarsylasyn jan-jaqty zerttep shyqty. «Gennadıı Golovkın meksıkalyq boksshymen tek sparrıng kezinde kezdesken. Sodan beri biraz ýaqyt ótti. Sońǵy jekpe-jekte Gena onyń kim ekenin jáne qalaı ózgergenin kórdi. Endi, bárin oı eleginen ótkizedi. Menińshe, oǵan kóbirek bokstasý qajet. Óıtkeni alǵashqy raýndtarda ol meksıkalyq boksshyny birden nokaýtqa túsirýge tyrysty. Sonyń sátin izdedi. «Kanelo» bolsa, kóbirek soqqy jasaýǵa kúsh saldy. Menińshe, kelesi jekpe-jekte Gena ábden daıyn bolady. Bálkim, Alvaresti nokaýtqa da túsiredi», - dep atap kórsetti S.Sápıev.