Serik Sápıev elorda muraǵatyna jeke nagradalaryn tabystady

NUR-SULTAN. QazAqparat - Olımpıada chempıony, QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Serik Sápıev óz marapattaryn elorda muraǵatyna tapsyrdy, dep habarlaıdy «QazAqparat» HAA tilshisi.

«Gramotalarym men marapattarymdy senimdirek saqtaý úshin muraǵatqa bersem degen sheshim qabyldadym. Nur-Sultan qalasynyń muraǵatyna toqsanynshy jyldardaǵy jetistikterim men ózge de tabystaryma dálel bolatyn dúnıelerdi ótkizip otyrmyn. Kollektsııa qatary áli de tolyǵa túsedi dep oılaımyn», - deıdi Serik Sápıev.

Aıta ketý kerek, London Olımpıadasynyń chempıony - Qazaqstandaǵy óz marapattaryn muraǵatqa ótkizgen alǵashqy sportshylardyń biri. Muraǵatqa ótken dúnıelerdiń ishinde Serik Sápıev týraly jazylǵan maqalalar da bar.

«Maraptattarymnyń úıde shań basyp jatqanyn qalamadym. Onyń ústine, úıde ony ózim ǵana kóre alamyn. Al munda búkil el tamashalaı alady», - dedi ol.

Sportshynyń bul qadamyna oraı muraǵat qyzmetkerleri kórme uıymdastyryp, chempıon Sápıevtiń qalyptasý jolyn baıandaıtyn derekter usyndy. Tusaýkeserge kelgen jastar Olımpıada chempıonynan qoltańba aldy.