Serik Sapıev Denıs Tenniń otbasy men jaqyndaryna kóńil aıtty
«Qazaqstandyq sportshylar atynan qazaǵa qaıǵyryp kóńil aıtamyz. Denıs bizdiń júregimizde məńgi saqtalady. Osydan biraz jyl buryn «Denıs jəne onyń dostary» shoýyn ótkizgenimiz esimde. Osy sharany men júrgizgen bolatynmyn. Denıspen sol kezde jaqyn tanystym. Sonda onyń shynaıy, meıirimdi, ıntellegentti, rýhy myqty adam ekenin baıqadym»,- dedi Serik Sapıev búgin Almatyda.
Qazaqstandyq mənerlep syrǵanaýshy, Olımpıada oıyndarynyń júldegeri Denıs Tendi aqtyq saparǵa shyǵaryp salý rəsimi ótti.
Saǵat 11.20-da onyń denesin Balýan Sholaq atyndaǵy sport saraıynan alyp shyqty. Sportshyny «Drýjba» aýylynda jerleıdi.
Aıta keteıik, qazaqstandyq sportshy Denıs Ten 19 shilde kúni pyshaqtan alǵan jaraqattan qaıtys boldy. Sportshy kóliginiń aınasyn urlamaq bolǵan eki adamnyń qylmysynyń ústinen túsken. Arada bastalǵan janjaldyń saldarynan urylar Denıs Tenge pyshaq suǵyp alǵan.