Serik Sápıev boksshylardyń kemshiligi týraly Baqyt Sársekbaevtyń synyna jaýap berdi
«Qashyqtan kóbirek jumys isteý, qarsylasqa shabýyldaýǵa baılanysty nusqamalar boldy, árıne qarsylasqa shabýyl jasaǵan soń durys qorǵanyp, ózi soqqy jasaý kerek edi. Baqyt Sársekbaev osyny aıtqysy keldi, men onymen tolyq kelisemin, al tómpeshtep urý báriniń qolynan keledi. Ol durys aıtady, qorǵana da bilý kerek, qarsy shabýyldy ja jasaý kerek», - dep jaýap berdi S. Sápıev Ortalyq kommýnıkatsııalar qyzmetinde tilshi suraǵyna.
Serik Sápıev bul turǵyda jattyqtyrýshylardyń da jetilip, óz shákirtterimen jumys isteýi keregin aıtty.
Buǵan deıin Serik Sápıev Qazaqstan boksshylary qansha júlde ákelýi múmkin ekenin aıtqan edi.
«Bokstan júlde alýǵa áli de úmitimiz bar. Úsh-tórt medal alýǵa bolady. Endi Sáken Bıbosynovtyń qarsylasy – Frantsııa boksshysy, ol óte myqty, odan ótse kelesi qarsylastarynyń deńgeıi frantsııalyqtaı bolmaıdy. Sosyn Ábilhan Amanquldyń, Qamshybek Qońqabaevtyń jáne Zákir Safıýllınniń qasrylastary aıtarlyqtaı kóshbasshylar emes, olardy jeńýge bolady. Sol úshin qalǵan tórt boksshymyz tórt medal ákelýi de múmkin», - dedi boksshy.