Serik Kúdebaev sot úkimimen kelispeı, apellıatsııalyq shaǵym túsirdi

TALDYQORǴAN. QazAqparat - Qańtar oqıǵasy boıynsha 10 jylǵa sottalǵan Almaty oblystyq polıtsııa departamentiniń eks-basshysy Serik Kúdebaev sot úkimine shaǵymdandy, dep habarlaıdy QazAqparat tilshisi.

«Serik Kúdebaevtyń apellıatsııalyq shaǵymy 29 maýsym kúni saǵat 15:00-de qaralady», - dedi Jetisý oblystyq soty baspasóz qyzmetiniń ókili Nursultan Orynbasarov.

Esterińizge sala keteıik, Serik Kúdebaev 28 sáýir kúni 10 jylǵa sottalǵan bolatyn. Oǵan laýazymdyq ókilettigin asyra paıdalaný jáne azaptaý baptary boıynsha aıyp taǵyldy.

Aıta keteıik, ol bıylǵy 30 naýryz kúngi sot otyrysyna kelmedi. Sondyqtan ony sotqa májbúrli túrde jetkizý jóninde qaýly shyqty.

Artynsha generaldyń elden qashyp ketkeni belgili bolyp, Taldyqorǵan qalalyq soty Serik Kúdebaevqa halyqaralyq izdeý jarııalaǵan.

27 sáýirde Serik Kúdebaev Túrkııada ustalyp, elge jetkizildi.

Almaty oblystyq polıtsııa departamentiniń burynǵy basshysy Serik Kúdebaev qańtar oqıǵasy boıynsha kúdikti dep tanylǵan edi.