Serik Qojanııazov QR Ekologııa vıtse-mınıstri qyzmetinen bosatyldy

NUR-SULTAN. QazAqparat - QR Úkimetiniń qaýlysymen Serik Qojanııazov ekologııa, geologııa jáne tabıǵı resýrstar vıtse-mınıstri qyzmetinen bosatyldy. Bul týraly QR Premer-Mınıstriniń baspasóz qyzmetinen málim etti, dep habarlaıdy QazAqparat.

Serik Salavatuly Qojanııazov 1965 jyly Qyzylorda qalasynda dúnıege kelgen.

Kýzbass polıtehnıkalyq ınstıtýtyn, L.N. Gýmılev atyndaǵy Eýrazııa ulttyq ýnıversıtetin támamdaǵan.

Eńbek jolyn 1989 jyly jóndeý-mehanıka zaýytynda ınjener-tehnolog bolyp bastaǵan.

Ár jyldary jekemenshik sektorda jumys istegen.

2001-2005 jyldary — Qyzylorda oblysy ákimi apparaty ındýstrııalyq-ınnovatsııalyq damý bóliminiń meńgerýshisi.

2005-2007 jyldary — Qyzylorda oblysynyń kásipkerlik jáne ónerkásip departamentiniń dırektory.

2007-2008 jyldary — Qyzylorda qalasynyń ákimi.

2008-2014 jyldary QR Premer-Mınıstriniń Keńsesinde túrli laýazymdarda qyzmet atqardy.

2014-2019 jyldary — Qyzylorda oblysy ákiminiń orynbasary, QR Prezıdentiniń «Baıqońyr» keshenindegi arnaıy ókili.

2019 jyldan 2021 jylǵy qańtarǵa deıin QR Prezıdenti Ákimshiliginiń memlekettik ınspektory bolyp jumys istedi.

2021 jylǵy qańtardan qazirgi tańǵa deıin QR Ekologııa, geologııa jáne tabıǵı resýrstar vıtse-mınıstri laýazymynda boldy.