Serik Qojanııazov: Bıyl jaýyn-shashyn kóbeımese jaǵdaı byltyrǵydan da kúrdeli bolady
Ortalyq kommýnıkatsııalar qyzmetinde vıtse-mınıstrge Maqtaral men Jetisaı aýdandaryndaǵy sharýalardyń sýdan qaǵylyp otyrǵany týraly suraq qoıyldy.
«Birinshiden, bul jerde másele eki jaqtan da bar. Vegetatsııanyń kezinde josparly túrde ár sharýashylyq ákimdikpen birlese otyryp, «Qazsýshar» mekemesine aldyn ala suranystaryn beredi. Maqtaral men Jetisaı aýdanyn surap otyrsyz ǵoı, bul aýdandar negizinen Ózbekstan aýmaǵyndaǵy «Dostyq» kanalynan sý alady. «Syrdarııa» sý sharýashylyǵy birlestigi» degen mekeme bar. Biz solarǵa sharýalardan alǵan suranys boıynsha keste jasap ótkizemiz. Sý sol jospar boıynsha bólinedi», -dep túsindirdi mınıstrlik ókili.
Mınıstrdiń orynbasarynyń aıtýynsha, atalǵan aýdannyń turǵyndary aradaǵy kelisimdi únemi saqtaı bermeıdi.
«Kerek kezinde Ózbekstan sý bermeıdi dep otyrsyz. Qarasha, jeltoqsan aılarynda osy eki aýdannyń sharýashylyqtary sýarma aryqtardy shaıyp shyǵýy kerek. Ózbekstanda sharýalar bárin jasady. Ókinishke qaraı, bizdiń sharýalar qarasha aıyna aldyna bergen tapsyrystaryn oryndaǵan joq. Ondaı másele bolyp turady. Qysylǵan kezde bir-birimizdi kinálap jatamyz. Biraq, keste ózderiniń suranysy boıynsha aldyn ala jasaqtalǵandyqtan, sony oryndaý qajet. Áıtpese júıelilik bolmaıdy», -deıdi Serik Qojanııazov.
Onyń málimeti boıynsha, Maqtaral men Jetisaı aýdany «Dostyqtyń» boıynan 136 myń gektardaı alqapqa sý alady.
«Dostyq» kanalynyń boıynda kúrish egýge múlde bolmaıdy. Byltyr qýańshylyq bolǵanyna qaramastan, bizdiń sharýalar 3800-deı gektarǵa kúrish egip qoıǵan. Bıyl jaǵdaı byltyrǵydan da qıyn bolýy múmkin. Qazir byltyrǵy qatelikti qaıtalamaý boıynsha jumys istep jatyrmyz. Sý sharýashylyq mekemeler, ákimdikter sharýalarǵa osyny túsindirýi kerek. Byltyr shamamen 48 sharýashylyq nysany kúrish ekken. Solarǵa aıtýymyz kerek. Bıyl taǵy qaıtalasa, qasyndaǵy kórshilerine zııan keltiredi. Sol sebepti osyny arnaıy aıtyp otyrmyn», - dedi vıtse-mınıstr.
Mınıstrlik ókili munyń bárin qazaqstandyq sharýalardy kinálaý úshin aıtyp otyrmaǵanyn túsindirdi.
«Birinshiden, byltyrǵy qýańshylyq kezinde Toqtaǵul sý qoımasynda kóktem kezinde 8,7 mlrd tekshe metr sý bolǵan. Qazir byltyrǵyǵa qaraǵanda 1,7 mlrd tekshe metr sý kem bolyp otyr. ıAǵnı, jaǵdaı byltyrǵydan da kúrdelýi bolýy múmkin», -dedi maman.
Vıtse-mınıstr aldaǵy aqpan, naýryz, sáýir aılarynda jaýyn-shashyn kóbeımese jaǵdaı byltyrǵydan da kúrdeli bolatynyn aıtyp otyr.
«Syrdarııadan shyqqan sýdyń 40 paıyzy shraýalarǵa jetkenshe ysyrap bolady. 200 myń gektardaı alqapta sý jolyn rettep jatyrmyz. Ol da sýdyń tartylýy kezinde qıyndyq týǵyzady. Óıtkeni sý qajet ýaqytta negizgi kanaldar jóndelip jatqandyqtan, ýaqytsha kanaldarmen jiberemiz. Sol problemamen qosa bizdiń sharýalar da jaǵdaıdy birshama qıyndatady. Ózderiniń kelisim boıynsha jasalǵan keste boıynsha ekpeıdi, sýdy da kelisim boıynsha almaıdy. Arada úılesimdik bolmaǵandyqtan, osyndaı jaǵdaılar týyndaıdy», - dedi maman dedi vedomstvo ókili.
Aıtýynsha, kórshi elderdi qoıyp, Túrkistan men Qyzylorda oblystarynyń arasynda sýdy ádil bólý boıynsha problemalar bar kórinedi.
«Aqpan aıynyń basynda boljam shyqqannan keıin sharýalarmen kezdesemiz. Túrkistan oblysy men Qyzylorda oblystarynyń óz arasynda qıyndyqtar bar. Áýeli eki óńirdiń sharýalarymen jeke-jeke, keıin birlesken kezdesýler ótkizemiz. Sol kezde de osy másele pysyqtalady», - dedi Serik Qojanııazov.