Serik Qonaqbaevty AIBA prezıdenti qyzmetine usyndy
«AIBA saılaý týraly erejege sáıkes, biz barlyq ulttyq federatsııalarǵa óz usynysymyz týraly habarladyq. Endi olardan bizdiń úmitkerdi qoldaıtyn hat kútip otyrmyz. Keıin biz qujattardy Halyqaralyq áýesqoı boks qaýymdastyǵynyń shtab-páterine jiberemiz. Qujattar tekserilgennen keıin úmitkerlerdiń tizimi AIBA saıtynda jarııalanady», - dep habarlady Qazaqstan boks federatsııasynyń atqarýshy dırektory Bekjan Bektenov.
Halyqaralyq áýesqoı boks qaýymdastyǵy (AIBA) atqarý komıtetiniń músheleri men prezıdentin saılaý 2-3 qarashada Máskeýdegi kezekti kongreste ótedi.
Serik Qonaqbaev - tanymal áýesqoı boksshy. Ol sporttyq mansabyn aıaqtaǵannan keıin qoǵamdyq istermen jáne sport menedjmentimen aınalysqan. Ol bokstan eki dúrkin Eýropa chempıony jáne eki ret Álem kýbogyn ıelengen. 1980 jyly Máskeýde ótken Olımpıadanyń kúmis júldegeri.
Qonaqbaev Parlament Májilisiniń depýtaty bolǵan. 2010 jyldan beri AIBA atqarý komıtetiniń múshesi, 2014 jyldan beri - AIBA vıtse-prezıdenti jáne Azııa boks konfederatsııasynyń prezıdenti.