Serik Berdimuratuly Mońǵolııanyń joǵary dárejeli «Pil» ataǵyn jeńip aldy

BAıAN-ÓLGII. QazAqparat – Mońǵolııanyń Ulttyq merekesine arnalǵan kúres saıysynda qandasymyz Serik Berdimuratuly memlekettik pil dárejeli palýan ataǵyna ıe boldy. Bul týraly QazAqparat kaznews.mn saıtyna silteme jasap habarlaıdy.

Serik Berdimuratuly kúrestiń 7 kezeńinde memlekettik zaan Dorjıın Anardy jyǵyp, memlekettik «zaan» ıaǵnı memlekettik Pil dárejeli palýan ataǵyna ıe boldy.

Serik Berdimuratuly jasyl alańda E.Sýmıaabat (6 kezeń), Ts.Tómórtsooj (5 kezeń), P.Davaadorj (4 kezeń), Sh.Chıntýlga (3 kezeń), B.Ólzıısaıhan (2 kezeń), E.Dashzeveg (1 kezeń) qatarly paýlandardy aıqyn basymdyqpen utty.

8 kezeńde memlekettik avarga (alyp chempıon) dárejeli palýan Namsraıjav Batsýýrdan utylyp qaldy.

Serik Berdimuratuly 1994 jyly týǵan. Salmaǵy 110 keli. 2011 jyly aımaqtyq pil dárejeli palýan, 2013 jyly aımaqtyq arystan dárejeli palýan, 2017 jyly memlekettik lashyn dárejeli palýan atanǵan bolatyn.

Aıta ketsek, Mońǵolııanyń Ulttyq merekesi Ǵun ımperııasynyń 2230, 2231 jyldyǵy, Mońǵol ımperııasy ornaýynyń 815, 816 jyldyǵy, Ult azattyq qozǵalysynyń 110, 111 jyldyǵy jáne Halyq revolıýtsııasynyń 99 jyldyǵyna oraı uıymdastyryldy.